Klumech er a Oldingel e Olisechakl, Ongetiu el Buil 2014
Chedaol el Urerel a Jesus Kristo: Mengelaod
Mosuub er tial klumech loba nglunguuch e mosiik el mo medengei a kirem el mo ouchais. Ng mekera klemedengei er kau er a klengar me a urerel a Osobel a le choisisii a klaumera er kau er Ngii e lomekngeltengat er tirkel momekerreu er tir lokiu oldingel me a osisechakl? A lmuut el bebil er a omesodel, e bora reliefsociety.lds.org.
Klaumerang, Telungalek, Ngeso
A Jesus Kristo a mle yaksok, “Ng diak chitau me lak a mengelaod er kau: Ak me duum er kau” (Johanes 14:18). Ngii a mo meskid a “blekebek el mad, me a deureng er a klengitelreng” (Isaia 61:3). Le Kristo el mlo er a ringel er a Tngakieng el kirel a dersta er kid, e Ngii a diak lobes er kid. “A Osobeled a mla ngmai a … a ringel me a ongarm er kid me luchul e Ngii bo el sebechel medengei a domelchesiu e bol meduch el mengelaod er kid,” ng millekoi a Linda S. Reeves, el ongeru el counselor er a cherrengelel omerreder er a Relief Society.1
Sel dodengei el kmo a Kristo a mo chemolodid a sebechel meskid a budech e mekrolid el mo oltirakl Okesiul el mo olngeseu er a rebebil. A President Thomas S. Monson a millekoi: “A klemedengei er kid er a ebangkelio me a beltkil a rengud el mora Demad er a Babeluades me a Osobeled a mo chemolodid e sobecheklid e meskid a deureng er a rengud sel doltirakl a llach. Ng mo diak a ngii di el ngerang er tial beluulechad el sebechel mo mesisiich er kid.”2
Ngara Chedaol Llechukl
Johanes 14:18, 23; Alma 7:11–13; Doctrine and Covenants 101:14–16
Ngara Reksi er Kid
A Elaine L. Jack, el ongeteruich me a ongeru el merreder er a Relief Society, a millekoi: “Chelsel oldingel e olisechakl e kede modars el mo olngeseu er a ta me a tang. A chimad a blechoel lochotii sel ngii a diak el sebeched el dulii. Sel ngarngii ra rengud ede bechulii a chad eng klou a belkul. Ng sebeched el mo tmak el ungil a delongeled kid mar bebil sel docherchur el lungil a rengud. Ng mo ungil a rengud sel dorous a ikel ngarngii er kid el mora rebebil er a rechad. Ng diak el sebeched el blechoel kiderii a beraod longol er ngii a chad, engdi ng sebeched el ngosuir meng morngii a klisichel el kiderii tial beraod.3
Tirkel odos er kid ra Relief Society a “miltik a klisichel a rengrir er a beltik el reng me a klechubchub er a tang me a tang. … Sera lebol chau a ringel er a secher me a kodall, e te mlo tmak el ngara nglunguuch el kirel a tang me a tang. ‘A beltikelreng er a Dios a mlocholt er a reng el mora reng,’ ng milluches a Helen Mar Whitney, ‘el di merekmo a mekngit bo lak a klisichel el me soiseb er a delongeled kid me a Rubak, me a ongetikaik er ngii, a uai a, blo el cheroid a klisichel.’”4
© 2014 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/14. Kengei er a oidel: 6/14. Oidel a Visiting Teaching Message, September 2014. Palauan. 10869 881
Momdasu er Tiang
Ng mekera klemedengei el kmo a Rubak a medengelkau a lecholodau?