ʻMaʻu atu ʻi he Hulu he Taimí Ni ʻa e Filimi Siosefa Sāmitá

Kuo laumiliona ha kakai kuo nau lava ʻo maʻu he taimí ni ʻa e faiva ne faʻu ʻe he Siasí ki hono fakamanatua ʻo e Palōfita ko Siosefa Sāmitá. ʻOku fakaʻaliʻali ʻe he filimi Siosefa Sāmitá: Ko e Palōfita ʻo e Ongoongolelei Kuo Toe Fakafoki Maí, ʻa e moʻui mo e tukufakaholo ʻo e Palōfitá, ʻa ia ʻoku lava ke mamataʻi taʻetotongi ʻi he taimí ni he Hulu, ko ha uepisaiti vitiō.

Ko e fuofua filimi ʻeni ʻa e Siasí ke hū ki ha sēnolo tufakiʻanga vitiō hangē ko e Hulu, ʻa ia ʻe lava ʻe ha kau totongi fakataʻu ʻe 4 miliona ʻo mamataʻi ʻa e vitioó ʻi he Roku, Apple TV, Xbox, PlayStation, mo e smartphone mo e tablet ʻoku maʻu ai ʻa e ʻInitanetí. ʻOku ʻikai ngata pē ʻe hono maʻu ʻo e faivá ʻi he Hulú ke toe faingofua ange ai hono maʻu ʻe he kāingalotu ʻo e Siasí, ka ʻoku toe lahi ange faingamālie ai ki he kakai taʻe Siasí ke nau mamata mo ako ʻo lahi ange ki he Siasí.

Ko e kāingalotu ko ia ʻoku nau mamata, tuku mai ha fakamatala mo rate mai ʻa e faivá, ʻe lava ke nau ʻai ke faingofua ange hono maʻu ʻe he niʻihi kehé ʻa e faivá.