Kamata ʻi Sānuali ha Ngaahi Liliu

Kuo fanongonongo ʻe he Kau Palesitenisī ʻUluakí mo e Poate Ako ʻa e Siasí ha ngaahi liliu ki he tuʻo lahi, feituʻu, mo hono pulusi ʻo e ngaahi fakataha lotu maʻá e kakai lalahi kei talavoú, ʻo kamata ʻi Sānuali 2015. ʻOku kau ʻi he ngaahi liliú ʻa e:

Hingoa: Fakataha Lotu Fakaemāmani Lahi maʻá e Kakai Lalahi Kei Talavoú: Ko ha Efiafi mo (hingoa ʻo e tokotaha leá).

Tuʻo lahí: Tuʻo tolu ʻi he taʻu, ʻi he Sāpate hono ua ʻo Sānualí, Sāpate ʻuluaki ʻo Meé, mo e Sāpate ua ʻo Sepitemá.

Niʻihi Ke Kau Ki Aí: ʻOku fakaafeʻi ki ai ʻa e kakai kei talavou kotoa pē, mali mo teʻeki mali fakatouʻosi. ʻOku fakaafeʻi atu ki ai mo e fānau ako ʻoku fakaʻosiʻosi ʻenau akó mei he ako māʻolungá pe ako tatau mo iá.

Ngaahi Feituʻú: ʻE fakahoko ʻa e fakataha lotu ʻi Sānualí ʻi he ʻUnivēsiti Pilikihami ʻIongí ʻi Polovo, ʻIutā; ʻi BYU– ʻE fakahoko ʻi he Senitā Konifelenisí ʻi Sōleki Siti pe ʻi he ngaahi feituʻu kehe ʻi he Hetikuota ʻo e Siasí ʻa e fakataha lotu ʻo Meé. ʻE fakahoko ʻi he ngaahi feituʻu kehe ʻi he ʻIunaiteti Siteití ʻa e ngaahi fakataha lotu ʻo Sepitemá.

Pulusi: ʻE lava ke maʻu atu ʻa e ngaahi leá ʻi he fakamatalá, ongó, mo e vitioó mo e ngaahi founga kehekehe ʻi he lea faka-Pilitāniá ʻi loto ʻi ha ngaahi ʻaho siʻi hili ʻa e fakataha lotu kotoa pē ʻi he LDS.org mo e Gospel Library app, ʻi ha tānaki foʻou maʻá e Kakai kei Talavoú. ʻE toki maʻu atu leva ha tatau ʻo e ngaahi lea fakafonuá. ʻE maʻu atu ha ngaahi fakamatala fakanounou ʻo e ngaahi leá ʻi he Liahona, pea mo ha ngaahi kupuʻi lea kehekehe, kupuʻi lea ʻi he fakatātā (memes), pea ʻe fakamafola fakahangatonu mo e hili ʻa e fakatahá ha ngaahi meʻa mahuʻinga ʻi ha foʻi vitiō ʻo fakafou ʻi he ngaahi sēnolo mītia fakasōsiale ʻa e Siasí, kau ai ʻa e peesi fakasōsiale pau ʻa e tokotaha leá.

ʻE hokohoko atu pē ʻa hono fili ʻe he Kau Palesitenisī ʻUluakí ʻa e kau leá pea mei he Kau Taki Maʻolungá pea mo e kau ʻōfisa lahi ʻo e Siasí.

Naʻe fanongonongo ha ngaahi liliu ki he kakai lalahi kei talavoú lolotonga ʻa e fakataha lotu e CES ʻi he ʻaho 2 ʻo Nōvema 2014, pea ki he kau taki ʻo e lakanga fakataulaʻeikí ʻi ha tohi mei he Kau Palesitenisī ʻUluakí ʻi he ʻaho 28 ʻAokosi, 2014 ʻa ia ne fakakau ai ʻa e Taimi-tēpile ʻo e Fakamafola ʻa e Siasí ki he 2015.

Fanongo ʻa e kakai lalahi kei talavoú ki ha lea ʻi he Senitā Meliotí ʻi he ʻUnivēsiti Pilikihami ʻIongí ʻi Polovo, ʻIutā, USA.

Taá naʻe fai ʻe Scott G Winterton, Deseret News