Jodikdik ro

Kōkapilōklōk eo n̄an Kālet ko Reppen

Būreejtōn Henry B. Eyring, Rikakpilōklōk eo Kein Kajuon ilo Būreejtōnji eo Kein Kajuon, kar kwaļo̧k kōn juon iien ke e eaar ļoor kōkakpilōklōk an rikanaan. Ilo juon kweilo̧k eļap, Būreejtōn Ezra Taft Benson (1899–1994) eaar rōjan̄ membōr ro n̄an jab m̧uri—eļaptata m̧uri ilo bāān̄.

Būreejtōn Eyring eaar ba: “Iaar oktak ļo̧k n̄an kōrā eo pāleeō ālkin kweilo̧k eo im kajjitōk, ‘Kwoj ke ļōmņak ewōr ke jabdewōt wāween kōjro maron̄ kōm̧m̧ane menin?’ Ilo jinoin kōm̧ kar jab maron̄. “Ak joten eo, eaar ļōmņak kōn juon jikin er raar jab maron̄ kajjieon̄ wiakake ium̧win elōn̄ iiō ko. “Kōm kar lōke Anij im … ennaan eo an rikarejar eo An, [bwe] kōm̧in maron̄ kōm̧m̧ane juon call. … Iaar ron̄ juon uwaak eo n̄an rainin ej kōkajoorļo̧k lōke eo aō ilo Anij im rikarejar ro An.” Ejja raan eo wōt, juon em̧m̧aan eaar letok juon kajjitōk kōn jikin eo an Eyring kōn juon dettan eo eļapļo̧k jān m̧uri eo aer. Jidik iien tokālik Eyring eaar jako m̧uri eo aer (lale “Trust in God, Then Go and Do,” Liahona, Nov. 2010, 72–73).

Bōlen emaron̄ ejjeļo̧k am̧ m̧uri n̄an kōļļāiki, ak kōkakpilōklōk in an rikanaan maron̄ tōl eok ijin im kiiō jān kālet ko reppen rejelet jerbal, jeļāļo̧kjeņ, ak mijen, im jerā. Kōnono ippān baam̧le eo am̧ ak ro m̧ōttam̧ ewi wāween komaron̄ in ļoor rikanaan eo n̄e kwoj aikuj in kōm̧m̧ane kālet ko.