Naan in Katak an Kōrā, Jānwōde 2015
M̧wil ko an Jisōs Kraist: Ļaddik Epokake
Kanooj jar ilo ekkatak kōn katak in im pukōt n̄an jeļā ta eo n̄an kwaļo̧k. Ekōjkan naaj meļeļe mour eo im mijen eo an Rilo̧mo̧o̧r eo ej kōļapļo̧k tōmak eo ami ilo E im kōjeram̧m̧an ro kwoj (bōk eddoier) mije er kōn naan in katak an kōrā? N̄an meļeļe ko reļļapļo̧k, etal n̄an reliefsociety.lds.org.
Tōmak, Baam̧le, Deeor
Ļoor waanjon̄ak eo an Jisōs Kraist ilo pokake ej kōļapļo̧k ad tōmak ilo E. “Ej ke jabdewōt bwilōn̄,” ElderJeffrey R. Holland jen Doulul eo an Jon̄oulruo Rijilōk ro, “bwe Kraist ej kālet m̧okta im aorōktata n̄an kōmeļeļeik E make ilo kadkadin n̄an Jemān—bwe Eaar iakwe E im pokake E im leļo̧k E āinwōt ļaddik eo Nejin em̧ool? … Pokake ej kien eo jinoin tata an lan̄.”1
Anij eaar kwaļo̧k bwe n̄e jej bōk jabdewōt kōjeram̧m̧an jān Anij, ej jān pokake kien eo ej pedped ioon (Lale D&C 130:21–21). Eddōkļo̧k eo ad ilo jetōb ej bōk jikin ilo ad kepaakļo̧k Anij kōn pokake im karuwaineneik kajoor in Pinmuur eo an Rilo̧mo̧o̧r eo ilo mour ko ad.
“Ilo ad etetal ilo pokake n̄an pedped in katak ko im kien ko an gospel eo an Jisōs Kraist,” Elder D. Todd Christofferson jen Doulul eo an Jon̄oulruo Rijilōk ro ekar ba, “jej lan̄lōn̄ kōn to̧o̧rtok in kōjeram̧m̧an ko rej wōnm̧aanļo̧k kar kalim̧m̧ur jān Anij ilo bujen eo An ippād. Kōjeram̧m̧an kein rej letok jipan̄ ko jej aikuji n̄an m̧akūtkūt ijjelo̧kin kipel n̄an m̧akūtkūt ioer ilo ad mour. … Pokake ej letok n̄an kōj eļapļo̧k maron̄ n̄an peek mour ko ad, eļapļo̧k jon̄ak n̄an itok im etal, n̄an jerbal im kōm̧m̧an.”2
Bar jet eoon ko
Jān Jeje ko Rekwojarjar
“Kajoor ilo jetōb emaron̄ ke waļo̧k in jān aolep iien pokake n̄an kien ko liļo̧k n̄an bar juon armej?” Elder David A. Bednar jen Doulul eo an Jon̄oulruo Rijilōk ro eaar kajjitōk. “Uwaak eo ealikkar … ej jaab.”3
Būrabōļ eo kōn jon̄oul virgin ro ej juon waanjon̄ak in pedped in katak in. Tōre eo aolep virgin ro raar bōk ļaam̧ ko aer n̄an “wōnm̧ae ļeo pālele,” ļalem iaer re mālōtlōt rej bōk oil ilo aer kein ettein̄ ņa ippān lamp ko aer. Ro jet ļalem re bwebwe kōnke raar “jab bōk oil ippāer.”
Innām n̄e lukkuun bon̄, juon lam̧ōj, ‘Lo, ļeo pālele! kom̧win itōn wōnm̧ae e.” Innām virgin ro otemjej rej jerkak, im kōm̧m̧ani lamp ko aer, ak ro virgin ro re bwebwe ejjeļo̧k aer oil. Rej ba n̄an ro remālōtlōt, “Kom̧win letok n̄an kōm jān ami oil; bwe lamp ko am re nan̄in kun.”
A ro remālōtlōt rej uwaak im ba, “jaab; innem eban bwe n̄an kōm im kom̧, a kom̧win ilo̧k n̄an ippān ro rej wia im wiaki ami.” Im ke raar ilen wiaik, ļeo pālele ej itok, im ro rej dedeļo̧k rej deļo̧n̄ ippān n̄an kwojkwojin pālele, im e kiil aor
© 2015 jān Intellectual Reserve, Inc. Aolep jim̧we ko rej pād ippān. Jeje ilo USA. Kōmālim ilo kajin English: 6/14. Kōmālim an ukook: 6/14. Ukook eo an Visiting Teaching Message, January 2015. Marshallese. 12581 874
Ļōmņak kōn Menin
Ta jet iaan waanjon̄ak in pokake ko ilo jeje ko rekwojarjar?