Feia apî

Parau aʻo no te mau maʻitiraa fifi rahi

Ua faatiʻa te peresideni Henry B. Eyring, tauturu piti i roto i te Peresideniraa Matamua, i te hoê taime ua pee oia i te parau aʻo a te peropheta. I roto i te hoê amuiraa rahi, ua faaue te peresideni Ezra Taft Benson (1899–1994) i te mau melo ia aufau pauroa i ta ratou mau tarahu—te mau tarahu fare ihoa râ.

Ua parau te peresideni Eyring : « Ua fariu vau i niʻa i ta’u vahine i muri iho i te amuiraa ma te ani e, ʻI to oe manaʻo, te vai ra anei te hoê raveʻa no te rave i te reira ?’ Ia hiʻohia, e au e, e nehenehe ta maua ». I tera ihoa pô ua manaʻonaʻo oia i te tapu fenua ta raua i tamata noa na i te hoo, a rave rahi matahiti i teie nei e aita i manuïa. « Ua tiʻaturi maua i te Atua e… i te parau a Ta’na tavini, [e no reira] ua rave maua i te niuniu… Ua faaroo vau i te hoê pahonoraa tei haapuai i to’u tiʻaturiraa i te Atua e i Ta’na mau tavini e tae roa mai i teie mahana ». I tera iho mahana, ua tuu te tahi taata i te hoê tino moni no te hoo i teie fenua, e faito moni rahi aʻe i ta raua tarahu no te fare. Aita i maoro roa, ua pee te tarahu a te utuafare Eyring (hiʻo « A Ti‘aturi i te Atua, I muri Iho A Haere e A Rave », Liahona, Novema 2010, 72–73).

Aita paha ta outou e tarahu fare e aufau atu, e nehenehe noa râ i te parau aʻo a te peropheta e arataʻi ia outou i ô nei e i teie nei i roto i te mau faaotiraa rahi no niʻa i te ohipa, te haapiiraa, te haereraa i te hoê misioni, te arapaeraa i te hoê taata. A paraparau i to outou utuafare e aore râ i to outou mau hoa nahea ta outou e nehenehe ia pee i te peropheta a rave ai outou i te mau faaotiraa.