Messaġġ tal-Għalliema taż-Żjajjar, Jannar 2015
Il-Kwalitajiet ta’ Ġesù Kristu: Iben Ubbidjenti
Bl-għajnuna tat-talb studja dan il-materjal u fittex sabiex tkun taf x’ għandek taqsam ma’ ħutek. Kif jista’ l-għarfien tiegħek tal-ħajja u l-irwol tas-Salvatur jgħinek tkabbar il-fidi tiegħek fih u tbierek lil dawk li int responsabbli minnhom permezz tat-tagħlim taż-żjajjar? Għal aktar informazzjoni, żuru reliefsociety.lds.org.
Fidi, Familja, Għajnuna
Aħna nkabbru l-fidi tagħna f’ Ġesù Kristu jekk nimxu wara l-eżempju Tiegħu tal-ubbidjenza. “Mhix ħaġa ta’ skantament” qal il-Presbiteru Jeffrey R. Holland tal-Kworum tat-Tnax-il Appostlu, “kif Kristu għażel l-ewwel u qabel kollox li jiddefinixxi lilu nnifsu fir-relazzjoni Tiegħu ma’ missieru—li huwa ħabbu u obdieh u ssottometta ruħu għalih bħala l-iben leali li huwa kien? … L-ubbidjenza hija l-ewwel liġi tas-smewwiet.”1
L-iskrittura tgħallem li “meta niksbu xi barka mingħand Alla, din niksbuha permezz tal-ubbidjenza lejn dik il-liġi li hi marbuta magħha”(D&C 130:21). It-tkabbir spiritwali tagħna jseħħ hekk kif nersqu viċin Alla permezz tal-ubbidjenza u nistiednu l-qawwa tal-Att tal-Fidwa tas-Salvatur f’ ħajjitna.
“Hekk kif nimxu, b’ mod ubbidjenti mal-prinċipji u l-kmandamenti tal-evanġelju ta’ Ġesù Kristu,” qal il-Presbiteru D. Todd Christofferson tal-Kworum tat-Tnax-il Appostlu, “aħna ngawdu nixxiegħa kontinwa ta’ barkiet imwiegħda lilna minn Alla fil-patt Tiegħu magħna. Dawk il-barkiet jipprovdu r-riżorsi li neħtieġu biex naġixxu minflok sempliċiment inħallu li l-affarijiet jaġixxu fuqna tul ħajjitna. … L-ubbidjenza tagħtina kontroll akbar fuq ħajjitna, kapaċità akbar li nibqgħu għaddejjin, li naħdmu u noħolqu.”2
Skrittura Addizzjonali
Mill-Iskrittura
“Jista’ jkun li l-qawwa spiritwali li tirriżulta minn ubbidjenza konsistenti lejn il-kmandamenti ngħadduha lil persuna oħra?” staqsa l-Presbiteru David A. Bednar tal-Kworum tat-Tnax-il Appostlu. “It-tweġiba hija ċara … le.”3
Il-parabbola tal-għaxar xebbiet verġni hija eżempju ta’ dan il-prinċipju. Filwaqt li n-nisa verġni kollha ħadu magħhom l-imsiebaħ tagħhom biex “jilqgħu l-għarus,” ħamsa biss kienu għaqlin u ħadu magħhom iż-żejt fl-imsiebaħ tagħhom. Il-ħamsa l-oħra kienu boloh peress li ma “ħadux żejt magħhom.”
Imbagħad f’ nofs ta’ lejl instama’ min jgħajjat: “Ara l-għarus; oħorġu ilqgħuh.” Ix-xebbiet verġni ħejjew l-imsiebaħ tagħhom, iżda l-verġni boloh ma kellhomx żejt. Huma qalu lill-verġni għaqlin, ’Agħtuna ftit żejt minn tagħkom; għax l-imsiebaħ tagħna qed jintfew.”
Il-verġni għaqlin wieġbu, ’Għandu mnejn ma jibqax biżżejjed, la għalina u lanqas għalikom: morru … u ixtru għalikom.“U meta l-verġni boloh telqu, wasal l-għarus u l-verġni għaqlin marru miegħu u “l-bieb ingħalaq”
© 2015 minn Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/14. Approvazzjoni tat-traduzzjoni: 6/14. Traduzzjoni ta’ Visiting Teaching Message, January 2015. Maltese. 12581 159
Ikkunsidraw Dan
X’inhuma wħud mill-eżempji ta’ ubbidjenza fl-iskrittura?