Tub Hluas Ntxhais Hluas
Thaum Kuv Hloov Siab
Tus uas sau zaj no nyob hauv Fortaleza, Brazil.
Thaum kuv kawm txog Yexus Khetos txoj moo zoo uas raug txum tim rov qab los, kuv tau hnov tus Ntsuj Plig ua tim khawv txog qhov tseeb. Dhau los ntawm kev thov Vajtswv, kuv zaj lus tim khawv haj yam ruaj nrees, thiab kuv txiav txim siab ua kev cai raus dej.
Tsis ntev tom qab kuv ua kev cai raus dej, tib neeg nyob hauv kuv pawg ntseeg pib nug kuv seb kuv xav li cas txog kev mus ua tub txib. Muaj tseeb tiag, kuv tsis tau paub hais li cas. Ua rau kuv tsis txaus ntseeg qhov uas kuv yuav ncaim kuv tsev neeg thiab tsis kawm ntawv kom mus tau ua tub txib.
Ces muaj ib hnub kuv pib xav txog kuv txoj kev hloov siab los ntseeg. Kuv nco txog cov tub txib uas tau qhia kuv, ua siab ntev teb kuv tej lus nug thiab pab kuv to taub txoj moo zoo. Kuv paub tias yog tsis muaj lawv txoj kev pab, kuv yeej yuav tsis paub txog lub Koom Txoos tseeb. Thaum kuv xav txog qhov no, ua rau kuv xav pab lwm tus heev. Kuv hnov tus Ntsuj Plig qhia kuv hais tias kuv yuav tsum mus ua tub txib.
Kuv paub tias kev ua cov tub txib txoj hauj lwm yog peb Leej Txiv Saum Ntuj Ceeb Tsheej txoj hauj lwm thiab peb muaj peev xwm pab cov neeg kom paub txog txoj moo zoo uas txum tim rov qab los.