Pweng sin Prestuhnsi Se Met, Fepweri 2015
Fahkwack Luhlahlfongi ac Eklac
Oasr siena lac inmahsrlon eis sie fahkwack luhlahlfongi ke ma pwacye ac in eklac na pwacye. Oacna ke, Mwet Sap wowo Peter el oruh fahkwack lohoh lal nuh sin Mwet Lahngo lah el etuh lah Jisus pa Wen nuhtin God.
“[Jesus] el siyuk selos, ‘Ac kowos, kowos mu su nga uh?
“Na Simon Peter el topuk ac fahk, ‘Kom pa Christ, Wen nutin God moul.’
“Ac Jisus el fahk, ‘Mwe insewowo nu sum, Simon, wen natul John! Ma pwaye se inge tia fwackyuk nu sum sin kutena mwet, a itukot nu sum sin Papa tumuk inkusrao” (Matthew 16:15–17).
Ac tukun ma inge, ke ohsun Lal nuh sel Peter, Leum El sang nuh sel ac nuh sesr mwe kolyuck se in eklac na pwacye ac in tahfwelah eklac sac ne tok. Jisus El fahk ohinge: “Ac ke pacl se kom sifil foloko nu yuruk, kom fah akkweye mwet wiom inge” (Luke 22:32).
Jisus El lotwel Peter lah srwackna oasr eklac yohk se ma enenuh in wi sie fahkwack luhlahlfongi in kuh in nuhnkuh, puhla, ac mukwikwi oacna mwet tuhma lutlut luhn Jisus Kraist suc eklac pwacye. Pa ingacn eklac yohk se kuht nohfohn suk uh. Pacl se kuht ac eis uh, kuht enenuh eklac sacn in tahfwelah nwe ke sahflah ke moul luhn facluh lasr uh (liye Alma 5:13–14).
Kuht etuh ke ma kuht sifacna puhlakihn uh ac ke tuniyacn mwet sahyac muh kuhtuh na pacl wowo ke kuh luhn nguhn uh fah tiac fal. Peter el lahfwekihn lah el etwacl Mwet Lahngo finne tukun el eis lohoh se sin Nguhn lah Jisus pa Kraist. Mwet Lohoh Tolu ke Puk luhn Mormon oasr fahkwack luhlahlfongi suwohs se ituckyang nuh selos lah Puk luhn Mormon pa kahs luhn God, ac tohkohyang elos muhnahslah in ahkkweyeyacl Joseph Smith in Mwet Pahluh ke Alu luhn Leum.
Kuht enenuh eklac se nuh insiyacsr, oacna ke ahkkahlwemyeyuck ke puk luhn Alma. Ac elos oruh kain se na ma fwackyuck nuh sin mwet uh—ma insiyaclos eklac; lah wacngihnlac kena lalos in oruh ma koluk (liye Alma 19:33; liye pac Mosiah 5:2).
Leum El luti kuht lah ke kuht eklac na pwacye nuh ke wosasuc Lal uh, insiyacsr fah iklac liki elyah kuhtasrihk ac eklac nuh ke kuhlwacnsap in tahpuhk mwet sahyac ke elos mukwi nuh met ke moul ma pahtpaht. In eis eklac sacn, kuht kuh in pruhe ac orekma ke luhlahlfongi in orwaclah sie ma sasuc oreklac ke Iwaclah luhn Jisus Kraist.
Kuht kuh in muhtwacwacack in pruhe ke luhlahlfongi in auliyak ke kuhtasrihk ac ke mwe sang luhn elyahkihn mwet sahyac yohk liki kuhtna. Kuht kuh in pruhe ke kuh in fihliyac nuh sahyac inse fuhlwact ac mwel.
Pruhe fah oruh ki se pac in eis mwe sang ke sie luhngse nuh ke kahs luhn God ac nuh ke luhngse luhn Kraist (liye Moroni 7:47–48). Ma luo inge tuhkweni nuh sie. Ke kuht rit, motko, ac pruhe ke kahs luhn God, kuht ac fah luhngse kac. Leum El fihliyac lun insiyacsr. Ke kuht puhla luhngse sacn, kuht ac muhtwacwacack in luhngsei na yohk Leum. Ke luhngse nuh sin mwet sahyac fah tuhkuh ma kuht enenuh in ahkkweyaclos suc God El fihliyac ke inkacnek lasr uh.
Nuh ke mwe srihkasrak, kuht kuh in pruhe in akihlenaclos suc Leum El sang misineri Lal an in luti. Misineri ke pacl nuh kwewa kuh in pruhe ke luhlahlfongi in etuh ke Nguhn ma in luti ac ahkpwacyei. Elos kuh in pruhe in luhlahlfongi lah Leum lac sang elos in puhla luhngse Lal nuh sin mwet nuh kwewa elos sun. Misineri uh fah tiac us mwet nuh kwewa elos sun uh nuh ke kof in pacptais ac nuh ke mwe sang luhn Nguhn Muhtahl. Tuhsruhk elos kuh in eis Nguhn Muhtahl in weluhlos. Ke kuhlwacnsap lalos ac ke kahsruh luhn Nguhn Muhtahl, misineri uh fah, kais kuhtuh, eklac insiyaclos.
Eklac sacn fah sifil ahksasuciyucklac na ke elos ac kuht tiac kuhtasrihk ke moul uh in mukiwkwi ke luhlahlfongi in ahkfokokoye mwet sahyac ke wosasuc luhn Jisus Kraist. Eklac fah tiac oruh sie mukwikwi kuh sie ma fah sahflah ke sie puhlan pacl ke moul uh tuhsruhk fah oruh mukwikwi se ma ac fahfahlac na. Moul uh kuh in kahlwemi nwe ke lwen wowo se, ke kuht ac fah liye Mwet Lahngo ac konwacack lah kuht ac muhtwacwacack in oacna El. Leum El ahkuhtweyac fuhfahsryucsr uh ohinge lah ma luhn God uh pa kahlwem ac el suc eis kahlwem ac wina God, eis kahlwem yohk ac kahlwem sacn kahlwemi na nwe ke lwen wowo sac (liye D&C 50:24).
Nga olwelah nuh suwos lah fihsracsr nuh sesr kais sie.
© 2015 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 1/14. Ahkkweyeyucklac ke lweng: 1/14. Lwenglah luhn First Presidency Message, February 2015. Kosraean. 12582 868
Luti ke Pweng Se Inge
Elder David A. Bednar ke U luhn Mwet Sap Singucul Luo orekmakihn “puhpuhlyuck se ke pickle” in luti lah eklac sac pa ma ac fahfahlac se likina ma in orek ke pacl sefanna: “Lain nuh ke lain ac mwe luti nuh ke mwe luti, kahkahsrihk na ac apkuhran in tiac kuh in akihlenyuck, srihpac lasr uh, nuhnak lasr uh, kahs lasr uh, ac oruh lasr uh suwohsi nuh ke luhngse luhn God” (“Ye Must Be Born Again,” Liahona, Mei 2007, 19). Motko in sifil liye ke puhpuhlyuck ke pickle nuh yurin mwet kowos luti an. Meac kuht kais sie kuh in oruh in kahkahsrihk fahsr na nuh met ke oruh luhn eklac se ma kais kuhtuh wolac ma Prestuhn Eyring ac Elder Bednar tuhkweni sramsramkihn uh?