Pweng ke Forfor Luti, Fepweri 2015
Ohiyac luhn Jisus Kraist: Wacngihn Ma Koluk
Pruhe in lutlutkihn kuhfa inge ac suk in etuh ma in akacsruhi kac. Etuh moul uh ac kunohkohn luhn Mwet Lahngo ac ahkyohkye fuhkah kuh in luhlahlfongi lowos Kacl ac ahkinsewowoye mwet kowos liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.
Luhlahlfongi, Sucu, Kahsruh
Mwet Lahngo lasr, Jisus Kraist, pa muhkwena kuh in oruh sie iwaclah nuh sin mwet uh. “Jisus Kraist, Lamb ma wacngihn mwacta, insese in fihlilyac sifacna fin mwe kihsac ac molwelah molo se ke ma koluk lahsr uh,” Prestuhn Dieter F. Uchtdorf, Mwet in Kahsruh Ahkluo ke Prestuhnsi se Met el fahk.1 In kahlwemkihn lah wacngihn ma koluk Lal Jisus Kraist kuh in kahsrwe kuht ahkyohkye luhlahlfongi kuh lasr Kacl ac srihke in sruok masap Lal, auliyak, ac nwacsnwacslah.
“Jisus El tuh … mwet oasr mahno ac nguhn, tuhsruhk El tiac ikolyucki ke mwe sruhf (liye Mosiah 15:5),” Elder D. Todd Christofferson ke U luhn Mwet Sap Singucul Luo el fahk. “Kuht kuh in forwacng nuh Sel … ke srihpen El etuh. El etuh ke ma upac, ac El etuh pac ke ohiyacn kuhtanglah ma upac. …
“… Kuh luhn Iwaclah Lal kuh in elah oruh luhn ma koluk in kuht uh. Ke kuht auliyak, luhng kuhlwacng Lal ahkpwacyei ac ahknwacsnwacsye kuht (liye 3 Nephi 27:16–20). Oacna in muh kuht tiac puhtatyang, in muh kuht tiac ikolyucki ke mwe sruhf.
“Ke kuht kwacfeacng ke lwen nuh ke lwen ac wik nuh ke wik in ukwe inkacnek luhn Kraist, nguhn lasr uh ahkkahlwemye mahtuhiyac, mweun ke ma wo ac ma koluk, ac mwe sruhf uh tilac ahkfohs.”2
Tahfweyacn Ma Suhmuhslah
Ke Ma Suhmuhslah uh
Mwet Lahngo El molwelah molo se ke ma koluk lasr ke oruh Lal in Wen muhtahl, moul wacngihn ma koluk Lal, kweok Lal ac kahklah luhn srah Lal ke Imac Gethsemane, misac Lal fin sahkseng ac Moulyak Lal liki kuclyuck. Ke Iwaclah luhn Jisus Kraist, kuht kuh in nwacsnwacslah pac ke kuht auliyak ke ma koluk lasr uh.
Tohkohsrah Benjamin el luti mwet lal ke Iwaclah luhn Jisus Kraist ac siyuck lah elos luhlahlfongi kahs lal. Elos nuh kwewa wowoyak ke puhsra sefanna, fahk lah Nguhn el orwaclah eklac na yohk nuh selos kuh nuh in insiyaclos, lah elos tilac ke oruh ma koluk tuhsruhk in oruh ma wowo fahfahlac na. …
Ac kuht nuh kwewa insese in ilyak nuh ke olweacng nuh sin God lasr in oruh luhngse Lal, ac in ahkostwen nuh ke masap Lal ke ma nuh kwewa (Liye Mosiah 5:1–2, 5).
Kuht kuh pac in “eklac yohk” oacna mwet lal Tohkohsrah Benjamin, suc wacngihnlac kena la in oruh ma koluk, tuhsruhk in oruh ma wo fahfahlac na. (Liye Mosiah 5:2).
© 2015 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 1/14. Ahkkweyeyucklac ke lweng: 1/14. Lwenglah luhn Visiting Teaching Message, February 2015. Kosraean. 12582 868
Nuhnkuh Ma Inge
Fuhkah sie lacna luhn in nwacsnwacs likina in fas?