2015
Karakteristik divin Jezikri: Vèti
jen 2015

Mesaj Vizit nan fwaye, Jen 2015

Karakteristik divin Jezikri: Vèti

Etidye materyèl sa a nan lapriyè epi chèche konnen kisa pou w pataje. Nan ki fason konprann lavi ak misyon Sovè a ogmante lafwa nou nan Li e beni moun n ap veye sou yo atravè vizit nan fwaye yo? Pou plis enfòmasyon, ale nan reliefsociety.lds.org.

Lafwa, Fanmi, Sekou

“Se pou vèti gani panse ou san rete; apre sa konfyans w ap grandi anpil nan prezans Bondye; epi doktrin prètriz la ap koule nan nanm ou tankou lawouze ki soti nan syèl la heaven” (D&C 121:45).

Kisa vèti ye? Prezidan James E. Faust (1920–2007) te di: “Nan sans total li, vèti anglobe tout karakteristik ladwati k ap ede nou fòme karaktè nou.”1 Prezidan Gordon B. Hinckley (1910–2008) ajoute: “Lanmou Bondye se rasin tout vèti, tout bonte, ak tout fòs karaktè.”2

Èldè D. Todd Christofferson nan Kolèj Douz Apot yo te di: “Fi yo fèt avèk yon sèten vèti, yon don divin ki rann yo kapab enspire kalite tankou lafwa, kouraj, afinite, ak rafinman nan relasyon yo ak nan kilti yo. …

“Sè m yo, nan tout rapò nou, se relasyon nou avèk Bondye, Pè Selès nou an, ki se sous fòs moral nou an, ke nou dwe toujou mete anpremye nan lavi nou. Sonje ke pouvwa Jezi te soti nan devouman san fay li pou soumèt anba volonte Papa a. … Efòse nou pou nou rete kalite disip sa a pou Papa a ak Pitit Gason an epi enfliyans nou pap janm febli.”3

Ekriti adisyonèl

Sòm 24:3–5; Filipyen 4:8; 2 Pyè 1:3–5; Alma 31:5; D&A 38:23–24

Nan Ekriti yo

Nan Lik 8 nou li konsènan yon fi ki te gen yon maladi: depi douzan li t ap pèdi san, epi li pa t kapab geri. Li te chèche gerizon tout kote epi lè l “pwoche pa dèyè {Kris la}, epi li te touch eke rad li. Epi latou, san an te [rete.]. … Epi Jezi te di: Gen yon moun ki manyen m, paske mwen santi yon fòs4 soti sou mwen.” Fanm fidèl e plen lafwa sa a te lage kò l nan pye Jezi, li te rakonte “devan tout pèp la” poukisa “li te manyen l” epi “li te geri imedyatman. Epi Jezi te di li: “Mafi, ale ak kè poze; se lafwa ou ki geri ou” (gade Lik 8:43–48; gade tou 6:17–19).

Gras avèk vèti Li,5 Kris la kapab geri, otorize, fòtifye, rekonfòte, ak akouraje nou lè nou chwazi pou nou lonje lamen ba li avèk kouraj ak lafwa.

© 2015 pa Intellectual Reserve, Inc. Tout dwa rezève. Enprime nan Etazini Damerik. Apwobasyon anglè: 6/14. Apwobasyon tradiksyon: 6/14. Tradiksyon Visiting Teaching Message, June 2015. Haitian. 12586 036

Nòt

  1. James E. Faust, “The Virtues of Righteous Daughters of God,” Liahona, Me 2003, 108.

  2. Gordon B. Hinckley, “Excerpts from Recent Addresses of President Gordon B. Hinckley,” Ensign, Avr. 1996, 73.

  3. D. Todd Christofferson, “The Moral Force of Women,” Liahona, Nov. 2013, 29, 31.

  4. Vèti gen pouvwa (gade Mark 5:30).

  5. Nan Gid Ekriti yo, yo defini “Prètriz” kòm: “Otorite ak pouvwa Bondye bay lòm pou aji nan tout bagay pou sali lòm” (D&C 50:26–27).

Konsidere bagay sa a

Nan ki fason vèti ba nou pouvwa ak fòtifye nou?