Messaġġ tal-Għalliema taż-Żjajjar, Ġunju 2015

Il-Kwalitajiet ta’ Ġesù Kristu: Virtuż

Bl-għajnuna tat-talb studja dan il-materjal u fittex sabiex tkun taf x’ għandek taqsam ma’ ħutek. Kif jista’ l-għarfien tiegħek tal-kwalitajiet divini tas-Salvatur ikabbar il-fidi tiegħek fih u jbierek lil dawk li int responsabbli minnhom permezz tat-tagħlim taż-żjajjar? Għal aktar informazzjoni, żuru reliefsociety.lds.org.

Fidi, Familja, Għajnuna

Ħallu ħsibijietkom jiġu ddominati mill-virtù kontinwament; imbagħad timtlew b’kunfidenza kbira quddiem Alla; u d-duttrina tas-saċerdozju tinżel fuq ruħkom bħan-nida mis-sema. L-Ispirtu s-Santu ikun is-sieħeb kostanti tagħkom” (D&C 121:45–46).

Ħafna minna aħna familjari ma’ din l-iskrittura, iżda x’inhi virtù? Virtù hija “mera ta’ ħsieb u mġieba bbażati fuq morali ogħla.”¹ “Il-kelma tal-għeruq Latina virtus tfisser saħħa.”² Il-President James E. Faust (1920–2007) qal: “Il-virtù fil-veru sens tiġbor fiha l-karatteristiċi kollha tas-sewwa li jgħinuna niffurmaw il-karattru tagħna.”³ Il-President Gordon B. Hinckley (1910–2008) żied: “L-imħabba ta’ Alla hija l-għeruq ta’ kull virtù.”⁴

Sister Elaine S. Dalton, li kienet il-president ġenerali tat-Tfajliet, għallmet: “Il-Mulej qal lil kull waħda minn uliedu n-nisa, intom u jiena, sabiex ’nimxu fit-triq tal-virtù’ (D&C 25:2). Intom mhux ħlejjaq komuni. Intom mhux ħlejjaq ordinarji. Intom ulied Alla.”⁵

Hekk kif nuru x-xewqa li nsiru aktar bħal Kristu—li jippossedi l-virtujiet kollha fil-milja tagħhom—aħna niżviluppaw mudell tas-sewwa li jsaħħaħna.

Skrittura Addizzjonali

Proverbji 31:10; Luqa 8:46; Filippin 4:8; 2 Pietru1:3–5

Mill-Iskrittura

“Il-virtù hija prerekwiżit biex wieħed jidħol fit-tempji mqaddsa tal-Mulej u jirċievi l-gwida tal-Ispirtu,” qalet Sister Dalton.⁶

Aħna nistgħu naraw kif il-virtù tista’ tagħmel dan possibli għalina hekk kif aħna nistudjaw il-ħajja ta’ Anna, waħda armla li ma kienet titwarrab qatt mit-tempju, lejl u nhar taqdi lil Alla fis-sawm u t-talb” (Luqa 2:37). Hija kienet tistenna l-mument tal-miġja ta’ Kristu. Meta hija kellha 84 sena, Ġużeppi u Marija “daħlu bit-tarbija Ġesù” fit-tempju, u Xmun qal lill-Marija, “Ara, dan se jġib il-waqgħa u l-qawmien ta’ ħafna f’ Iżrael.” Meta Anna rat dan, hija “dak il-ħin stess bdiet trodd ħajr lil Alla u titkellem fuq it-tarbija ma’ dawk kollha li kienu jistennew il-fidwa ta’ Ġerusalemm” (Luqa 2:27, 34, 38).

Anna żviluppat mudell ta’ virtù. Minħabba l-fedeltà devota tagħha, hija kienet kapaċi tagħraf lis-Salvatur u tipprofetizza dwar il-fidwa Tiegħu meta Marija u Ġużeppi ġabu t-tarbija fit-tempju.

© 2015 minn Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/14. Approvazzjoni tat-traduzzjoni: 6/14. Traduzzjoni ta’ Visiting Teaching Message, June 2015. Maltese. 12586 159

Ikkunsidra Dan

Il-virtù kif tqawwina u ssaħħaħna?