Feia apî

Te tape‘araa i te hoê papaa parau

Ua faaau te peresideni Uchtdorf i to tatou tau i te anotau o te mau pionie. Aita outou i ratere na te mau fenua papû, ua riro mau râ outou mai te mau pionie, rahi atu i to outou mana‘oraa ! E nehenehe atoa outou e faa‘ite i te aroha, te ohipa itoito e te mana‘o anaanatae. E mai ta tatou i ite i te mau pionie i te faataaraa mai i teie mau maitai maoti te mau papaa parau ta ratou i tape‘a, e nehenehe i to outou huaai ia haamâtau atoa ia outou na roto i ta outou buka tamahana.

A rave e fanu minuti no te faa‘ite rii no ni‘a ia outou i roto i ta outou buka tamahana. E nehenehe outou e papa‘i no ni‘a i te mau ohipa pae varua, nahea outou i te fariiraa i to outou iteraa papû e aore râ nahea outou i te upooti‘araa i te mau tamataraa na roto i te tautururaa a te Metua i te Raʻi. E nehenehe atoa outou e tauturu i ta outou hinarere (o te tai‘o mai i ta outou buka tamahana i te hoê mahana) ia ite e, mai te aha to outou oraraa i te mau mahana atoa. E aha te mau opuaraa ta outou e rave ra i te fare haapiiraa ? Mai te aha te hoho‘a o to outou piha ta‘oto ? E aha te haamana‘oraa au roa a‘e e to outou utuafare ?

A haamata ai outou i te papa‘i i te tahi mea rii i te mau mahana atoa, eita outou e ite maramarama noa nahea te Metua i te Raʻi i te tautururaa ia outou i roto i to outou oraraa i te mau mahana atoa, mai Ta’na atoa i arata‘i i te mau pionie, e vaiiho atoa râ outou i te hoê faufaa ai‘a no to outou huaai no a muri iho.