Parau poroʻi na te mau tuahine hahaere, Tiurai 2015
Te huru o Iesu Mesia : Faaore hara e te aau aroha
A tuatapapa na roto i te pure i teie materia ma te imi ia ite e aha te faa‘ite atu. Nahea te maramaramaraa i te oraraa e te ohipa a te Faaora e faarahi ai i to outou faaroo Ia’na e e haamaitai ai i te feia ta outou e haapa‘o nei na roto i te tere hahaereraa ? No te mau haamaramaramaraa hau atu, a haere i ni‘a i te reliefsociety.lds.org.
Te Faaroo, Te Utuafare, Te Totauturu
Te iteraa e, ua faaore Iesu Mesia i ta tatou hara e ua aroha ia tatou, e tauturu ïa te reira ia tatou ia faaore i te hara e ia faa‘ite i te aroha ia vetahi ê. « O Iesu Mesia to tatou Hi‘oraa », ua parau te peresideni Thomas S. Monson. « Ua riro To’na oraraa ei faufaa tumu no te here. Ua faaora Oia i te taata ma‘i, ua faati‘a oia i te pirio‘i, ua faaora i te taata hara. Te hopea ra, ua rave te feia iino i To’na ora. Noa’tu râ i te reira, te vevo mai nei teie mau parau na te aivi no Golagota mai : ‘E ta’u Metua, e faaore mai i ta ratou hara, aore hoʻi ratou i ite i ta ratou e rave nei’—hoê faaʻiteraa hanahana no te aroha e te here i te tahuti nei ».1
Mai te peu e, e faaore tatou i ta vetahi ê hapa, e faaore atoa mai te Metua i te Ao ra i ta tatou. Ua ani mai Iesu ia tatou ia « aroha atoa ho‘i outou mai to outou Metua e aroha maira » (Luka 6:36). « E tae mai te faaoreraa i ta tatou mau hara na roto i te tahi mau titauraa », te parau ïa a te peresideni DieterF. Uchtdorf, tauturu piti i roto i te Peresideniraa Matamua. « E ti‘a ia tatou ia tatarahapa … Aita anei tatou i haafatata’tu i te hoê taime ma te haehaa i te parahiraa aroha e i taparu ai no te farii i te aroha ? Aita anei tatou i hinaaro ma te puai o to tatou aau i te aroha—ia faaorehia te mau hape ta tatou i rave aore râ te mau hara ta tatou i rave ? … A faati‘a i te Taraehara a te Mesia ia taui e ia faaora i to outou aau. A aroha te tahi i te tahi. A faaore i ta vetahi ê hapa ».2
Te tahi atu mau irava papa‘iraa mo‘a
No roto mai i te mau papaʻiraa moʻa
« E mea ti‘a ia faaore atu tatou i te hapa mai tei faaorehia mai », ua parau Elder Jeffrey R. Holland no te Pŭpŭ no te Tino Ahuru Ma Piti Aposetolo.3 Te faa‘ite nei te aamu no te tamaiti tei haere i te fenua roa ia tatou na pae e piti no te faaoreraa hapa : Hoê tamaiti tei faaorehia te hapa e te tahi tamaiti e tafifi ra ia faaore atu i te hapa.
Ua rave teina i ta’na faufaa, ua haamau‘a vitiviti i te reira, e ia tae mai te o‘e, ua haa i roto i te faaamuraa puaa. Te parau ra te papaʻiraa moʻa e « e îho faahou maira to’na iho huru mau », ho‘i atura oia i te fare e ua parau atura i to’na metua e eita e ti‘a ia parauhia oia e tamaiti na’na. Teie râ, ua faaore te metua tane i ta‘na hapa e ua tupa‘i i te hoê kafa no te hoê tamaaraa. E ho‘i mai nei te tamaiti matahiapo na te ohipa i roto i te faaapu e ua riri a‘era. Ua faahaamana‘o oia i to’na metua tane e, ua tavini oia e rave rahi matahiti, aita roa oia i ofati i te mau faaueraa, are‘a râ « aita oe i horo‘a noa mai i te hoê pinai puaaniho na‘u, ia faaamu atu vau i to‘u ra taua ». Ua na ô atura te metua, « E tau tamaiti, e ti‘a oe i ô nei ia’u nei, e te mau tao‘a atoa na‘u nei, na oe ïa. E mea tia hoi ia tatou ia faaamuraa maa e ia oaoa ; o to taeae nei ho‘i i pohe na, e ua ora mai nei, i moe na, e ia itea mai nei ». (hi‘o Luka 15:11–32).
© 2015 na Intellectual Reserve, Inc. Faturaa paruruhia. Nene‘ihia i te Mau Hau Amui no Marite. Parau faati‘a no te reo peretane : 6/14. Parau faati‘a no te iritiraa : 6/14. Iritiraa no Visiting Teaching Message, July 2015. Tahitian. 12587 895
A feruri i teie
Nahea te taata faaore hapa e fana‘o ai i te faaoreraa’tu i te hapa ?