Klumech er a Oldingel e Olisechakl, Ongeai el buil 2015
Chedaol Blekerdelel a Jesus Kristo: Medemdemk e Ngariou a Rengul
Mosuub er tial tekoi lokiu a nglunguuch e mosiik el mo medengelii a bo mobang lolsisechakl. Ng mekera klemedengei er kau er a klengar me a urerel a Osobel a le choisisii a klaumera er kau er Ngii e lomekngeltengat er tirkel momekerreu er tir lokiu oldingel me a osisechakl? A lmuut el bebil er a omesodel, e bo er a reliefsociety.lds.org.
Klaumerang, Telungalek, Ngeso
A Jesus a millekoi, “Ngike el kot el ngarbab er kemiu, di bol uai ngike el kekerei, e ngike el merredel bo le ngara omesiou. Leng techa ngarbab, ngike el dengchokl lomengur, a lechub e ngike el ngii a merous a kall? ng diak el ngike el dengchokl lomengur? eng di ngak el teloi er kemiu a ngike el ngii a merous a kall” (Lukas 22:26–27).
“A Osobel a kot el ngarbab lokesiu er a klisiich me a klengariou el reng me a delemdemk el reng. A ikel rokui, e Ngii a kilengei er a soal a Demad el mlo uchul a kot el ngarbab, e kot el mesisiich, el cheldecheduch er a chelsel a rokui el reksi. A bebil er a locha kmal chedaol tekoi er a chelsel chedaol llechukl a ikakid, ‘Ng diak el sel soak, ng bai, sel soam bol mekedmokl’ (Lukas 22:42).”1
Kid el oltirakl er a Jesus Kristo, e kede blechoel losiik el mo uai Ngii. “A delemdemk a klou a belkul er kid alsekum eng soad el mo uai a Kristo,” ng millekoi a Elder Ulisses Soares er a Rokeuid. A lak ngii eng diak el sebeched el mekdubech aikel meklou a belkul tekingel a kldung. A delemdemk a diak el belkul a kmo kede mechitechut, ng bai belkul a kmo kede olab a klungiaol me a blekokeuii, lochotii a klisiich, kllouelreng, klou a belkud el chad, e ulserechakl a rengud.”2 Sel doureor lomekdubech aikal blekeradel, e kede metik el kmo “sel doba ngariou el reng losiik er a soal a Chedam e kede mo nguu a klisiich er a Dios—el mo ngariou a rengud. Ng klisiich el mo sebeched el obangel olibesongel er a klengar, klisiich el kirel a budech, klisiich el kirel a urunguled, klisiich er a rengud lobengkel a beltikelreng el kirel a klaumerang er kid er a Osobel el Jesus Kristo, me a dirrek el klisiich el mo suobel.3
Bebil er a Chedaol llechukl
Ngara Chedaol Llechukl
A tara kot el klebokel e mesisiich el urerel a Kristo a sera lorisou ocherir tirkel lultirakl er Ngii. “Ng milkiis er a temel a belsoil, e nguu a bilel mecherei; e ngiluu a taor, e rullii besul. Uriul e ngulleitel a ralm er a tarai, e mocha merisou ocherir tirkal lultirakl er ngii, e mesuld loba taor el berriked er ngii” (Johanes 13:4–5).
A Osobel er a loruul er tial teletael, e tirkal lultirakl er ngii a locha mlo mechas a rengrir el kmo a Rubak e Mastang er tir a mle terrob er mederir e milngedmokl er a kmal medemdemk el teletael er a omesiou. Me a Jesus a mocha smaod a suobel el Ngii a mle soal tir me kid el rokui a desubii:
“Alsekum, e ngak el Rubak e Mastang er kemiu, a mla merisou ochemiu; eng dirrek el kiriu el mo merisou ocherir a dersta me a dersta er kemiu.
“Le ak mla meskemiu okesiu, me bo moruul loltirakl aikel blak ruul” (Johanes 13:14–15).
© 2015 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/15. Kengei er a oidel: 6/15. Oidel a Visiting Teaching Message, August 2015. Palauan. 12588 881
Momdasu er Tiang
Ng mekera klengariou el reng a lengesukid el mo oubeltikelreng el uai a Osobel?