Lamharon

Parola sang Kasanag

Si Pangulong Thomas S. Monson nagapanudlo nga ang mga lamharon sang Simbahan “may obligasyon nga magtindog bilang parola sang templo, nga nagapasilak sang kasanag sa labing nagadulom nga kalibutan.” Nagahatag sia sang pila ka mga pamaagi nga mahimo ini:

• Magpaambit sang Ebanghelyo

• Magpati

• Magpatubo sang pagtuo

• Mangin Iwag sa Iban

• Atipanon ang inyo panaksihon tubtob nga mangin angkla ini sa inyo kabuhi

• Magbasa kag magtuon sang balaan nga mga kasulatan

• Magpangamuyo sing masunson kag dalayon

• Mag-alagad

• Magtuman

Hunahunaa ang paggrado sa inyo kaugalingon sumugod 1 tubtob 5 sa tagsa sining mga aspeto. Sa mga bahin nga may manubo nga grado, sarang ninyo tun-an ining mga topiko sa balaan nga mga kasulatan ukon pangitaon ini sa LDS.org. Pagkatapos ninyo matun-an ining mga topiko, sarang kamo magpanumdom sang mga pamaagi nga mapabakod ninyo ining mga aspeto kag magpahamtang sang mga lalab-uton agud matuman ini.