Agtutubo

Lawag ti Silaw

Isuro ni Presidente Monson a dagiti agtutubo ti Simbaan ket “addaanda iti awag nga agtakder kas maysa a beacon ti templo, a mangyan-anninaw iti silaw ti ebanghelio iti sumipsipngeten a lubong. Mangted isuna iti sumagmamano a wagas a pakaaramidanyo iti daytoy:

• Ibinglayyo ti ebanghelio

• Mamati

• Papigsaenyo ti pammati

• Agbalinkayo a silaw iti dadduma

• Taraonanyo ti pammaneknekyo agingga nga agbalin daytoy a natibker nga angkla iti biagyo

• Agkararag ken agadalakayo kadagiti nasantuan a kasuratan

• Masansan ken agtultuloy nga agkararagkayo

• Agserbi

• Agtungpal

Ikkanyo ti grado iti bagiyo manipud 1 agingga iti 5 iti tunggal maysa kadagitoy a tay-ak. Para kadagiti tay-ak a nababbaba ti gradona, mabalin nga adalenyo dagitoy a topiko iti nasantuan a kasuratan wenno sapulenyo dagitoy iti LDS.org. Kalpasan a naadalyon dagitoy a topiko, mabalinyo ti agpanunot kadagiti wagas a pakapapigsaanyo kadagitoy a tay-ak ken mangituding kadagiti panggep a tun-oyen a mangaramid kadagitoy.