Agtutubo

Panangaramid iti Panagkararag

Isuro ni Presidente Eyring a maparaburan ti pamiliayo babaen ti natibker a pannakilangenyo iti Nailangitaan nga Ama. Mapasayaatyo ti pannakilangenyo Kenkuana babaen ti panangpasayaatyo kadagiti kararagyo! Dagitoy ti sumagmamano a kapanunotan ti no kasano nga aramiden daytoy:

Sakbay a rugianyo ti kararagyo, agpanunotkayo iti sumagmamano a kanito maipanggep iti kayatyo nga isao. Mangpanunot kadagiti saludsod a mabalin nga adda kadakayo wenno bambanag a mangburburibor kadakayo—mabalinyo pay nga isurat dagitoy tapno diyo malipatan. Usarenyo pay daytoy nga oras a manglawag iti panunotyo manipud kadagiti arimbangaw ti aldaw tapno maimutektekanyo dagiti naalumamay nga impresion ti Espiritu Santo. No ti panpanunotyo ket agalla-alla kabayatan ti panagkararagyo, padasenyo ti mangiladawan iti panunotyo a dumdumngeg ti Nailangitan nga Ama. Makisao iti nalawag. Kasta met a, mangibati iti sumagmamano a minuto iti gibus ti kararag tapno dumngeg kadagiti parikna ti Espiritu. Mabalinyo nga isurat dagiti impresionyo iti journalyo.

Laglagipen a ti kararag ket maysa a kita ti aramid, isu a saankayo a madanagan no kasapulan ti panangsanay wenno kasla narigat! Ti panangikarigatanyo iti panagkararag ket makatulong kadakayo a mangpanday iti relasionyo iti Dios a mangbendision kadagiti kaputotan.