Klumech er a Oldingel e Olisechakl, Ongeteruich el Buil 2015

Chedaol Blekerdelel a Jesus Kristo: Mui er a Bliochel el Beltikelreng

Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera a klemedengei er kau el kirel a chedaol blekerdelel Osobel a le oisisii a klaumerang er kau er Ngii e lomekngeltengat er tirkel moldingel er tir lokiu odingel me a osisechakl? A lmuut el bebil er a omesodel, e bo er a reliefsociety.lds.org.

Klaumerang, Telungalek, Ngeso

Sel The Guide to the Scriptures a smodii a bliochel el beltikelreng el kmo ng kot el “ngarbab, chetengakl, e mesisiich el teletael er a beltikelreng” (“Charity”). Ng bliochel el beltikelreng er a Jesus Kristo. Sel dosuub el kirel a Jesus Kristo e dolasm el mo uai Ngii, e kede mo omuchel el melchesuar a bliochel el beltikelreng er Ngii er a klengar kid e mo sebeched el mo oubeltikelreng e mesiou er a rebebil el uai Ngii sel losiou. “A bliochel el beltikelreng a belkul a kmo ng klou a rengud er a chad el mla tomellii a rengud,” ng millekoi a President Thomas S. Monson. Kede odngeklii sel reng el soad el mereched el mo kesib a rengud. Kede kongei a chelitechetud me a telitur er kid. Kede kongei er a rechad er sel ngii a teletelir. Kede omes lengelakl er a blebelel a chad el mo omes a ikel blekeradel el ngii a diak el ngemed er a chelsel a kemanget el taem. Kede odngeklii sel reng el soad el meleakl er a rechad.”¹

Chelsel a Babier er a Mormon, e kede subii a klou el klemerang el kmo kid a “meluluuch el mora Chedam lobang a klisichel a rengud el rokir, me [kid] bo demui er a beltikelreng, el ngii a mla mesterir tirkel rokui el meral loltirakl er a Ngelekel, el Jesus Kristo; me [kid] bo de ngelekela Dios el sechal [me a redil] ; me sel belcholt e kid a mo uai ngii, le kede mo mesang; me bol sebeched el mo nguu tial urunguled; e bo de klikiid el uai ngii el klikiid” (Moroni 7:48).

Bebil er a Chedaol llechukl

Johanes 13:34–35; 1 Korinth 13:1–13; 1 Nephi 11:21–23; Ether 12:33–34

Ngara Reksi er Kid

“A dirk millakl el odos a mlo mui er a omereng el saul er sera rodos el oldingel e olisechakl er ngii le bla er a klengitelreng lobengkel e longelim er ngii. Ng milluches: ‘A kmal ulsiik er a chad el sebechek el mo er ngii; chad el sebechel rongesak. … E tir a ulerrenges er ngak. Te milngelaod er ngak. Te lilangel lobengkek. E milchulak … [e] ngilsukak lotebedak er a dmolech el klengitelreng me a ringel er a chelsel a ikel kot el buil el ngak a mle sabisi.

“A kuk ta er a redil a ulechais el kirel a bliochel el beltikelreng el mlocholt er a odos loldingel e olisechakl er ngii: ‘Ak mle medengei el kmo ngak a diak kora di ochur loluches er ngii er a babier sel be loldingel. Ak mle medengei el kmo ngii omekerreu er ngak.’”²

Meng uai tirkal odos, e te betok el Uriul-klebesei el Santo er a beluulechad a sebechir lochotii a klemerang er tial tekingel a President Boyd K. Packer, er a Chelechad er a Teruich me a terung el Apostol: “Ng klebokel el tekoi sel dodengei el kmo ngii di el ker le borngii a [telungalek], e a telungalek er a Ikelesia a mengiil er tir. Mol muut er sel sils er a lekerd, eng mlo chedal a chelchad er a priesthood e mlo chedal a Relief Society.³

© 2015 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/15. Kengei er a oidel: 6/15. Oidel a Visiting Teaching Message, October 2015. Palauan. 12590 881

Ka Momdasu er Tiang

Ng mekera Kristo e cherrungel lokesiul a bliochel el beltikelreng?