Serafo

Asarameno om Saram: Ewe Kottun 30-Ran

Fan itan ekkewe serafo non ewe Mwichefen, a fen mecheres oupwe mochuno non ew sokkun manauen pomen ran me ran, napenon ren mettochun ngun. Sia anneani nouch kewe pukfel, iotek, me fel non ewe chok sokkun napanap iteitan ran me sia kan osukosuk ika pwata sia apwangapwang non pekin ngun.

Ew anen om kopwe tumunu om saramen ngun kopwe achocho ne fori mettochun ngun mi auchea. Nge a fen mecheres kapas nge weires foffor, iei och aurour pwe epwe anisuk ne sopweno ne napeno non pekin ngun: Ekieki usun mettochun kapas allim kese mo fen fori (are kese fori fan chommong) me fori om kokkot ne fori ena iteitan ran fan ew maram. Ka tongeni poputa ren mettoch mi kukkun pun kopwe fen kuna pwe a fen mecheres ne siwini kukkun mettoch ngeni siwin repwe nomotam. Ach fori mettoch me nukun seni met sia eoreni non pekin ngun epwe namot watte nuku me achocho seni pwisin kich, nge nupwen sia forir, sia etiwa ewe Ngun mi Fel epwe nom rech, me sia pwarano wattenon nuku non Semach won Nang me ach mochen sipwe kan ngeni I. Iei ekkoch mettoch ka tongeni poputa ren:

• Fori om kokkot pwe kopwe iotek nessesor me nepwin. Sotuni ne osomong ne iotek.

• Neno mwitir seni 15 minich me anneani pukfel me mwen kopwe no sukun.

• Anneani ekkewe afanafan seni miwchenapen mwichefen.

• Pacheta ew wokisin seni ewe Puken Mormon won social media.

• Ausening ngeni kon mi fel are konen namanam pwe siwinin ekkewe kon ka akausening ngeni.