Ngeasek
Molecha Cheluchul a Tuich el Mobang: Mesa er a Chelsel Okedei el Klebesei
A rengeasek er a Ikelesia el kmal mechesang a klengar tir, a beot er tir el soiseb er a chelsel osisiu el teletael er a bek el sils, el kirel chedaol tekoi me a omeruul. Kede menguiu chedaol llechukl, meluluuch, e ngara omengull er a chelsel osisiu el teletael er a bek el sils e sola mo kora melbedebek el kmo ngera uchul me kede kora uaia de cheridang er a chedaol tekoi.
A ta er a rolel eng sebechem el rulii a tuich el mobang meng di mekerkard a mo kerekikl me a ikel chedaol teletael el dubech el mo er kau a ngarngii a belkul. Eng di tia beot a dosaod er ngii er a bai doruul er ngii, me tiakid a uldasu el mo ngosukau me ke melemolem el ngara chedaol tekoi: Momdasu er a kora omeruul lobengkel osisechakl er a ebangkelio el ngii a dirkak a ta me moruul er ngii (malechub eng diak msal meruul er ngii) e mtibir el mo meruul er ngii er a bek el sils el tal buil. Ng sebechem lomuchel er a kekerei le ke mo metik el kmo ng beot a debult a mekekerei el tekoi el mo meklou ruriul. Sel doruul a tekoi el uchul e ngotebedid er sel chedaol teletael el kid a smau el ngara chelsel a ousbech er a klou el klaumerang me a blakelreng er kid, eng di sel doruul, e kede siotai er a Chedaol Reng el mo obengked, e kid ochotii a klou el klaumerang er a Chedam er a Babeluades me sel blakelreng el soad el mo kmeed er Ngii. A ikakid a bebil er a uldasu el ngosukau lomuchel:
-
Mkedmeklii a moktek er kau el mo meluluuch er a bek el tutau me a kebesengei. Molasm el meluluuch el klou a ngerem.
-
Mtelkib el mereched el mekiis er a teruich me a eim el bung e monguiu chedaol llechukl ruchei er a skuul.
-
Monguiu a cheldecheduch er a ikel mla mo merek el klou el ongdibel.
-
Mlia bades er a Babier er Mormon er a social medai.
-
Morrenges a chelitakl er a Ikelesia e lak morrenges a ikel blechoel morrenges el chelitakl.