Poraus seni Fefin Chon Amwa, December 2015
Manauen me Angangen Jises Kraist: Tong me Kirekiroch
Anneaochu me ikiotek usun ekkei mettoch me kutta met kopwe aporausa. Ifa usun om weweiti usun manauen me angangen ewe Chon Amanau epwe tongeni anapano om nuku non I me efeiochu ekkewe ka kan tumunur non om angangen an fefin chon amwa? Ren pwan ekkoch poraus, kopwe nengeni reliefsociety.lds.org.
Nuku, Famini, Aninis
“Non ewe pukefel, fofforun tong wewen “ani riaffoun.” Pwan wewen epwe pwarano netipetong, kirekiroch me umoumoch ngeni ekkoch.”1
“Jises a aiti ngenikich chommon minen apiru ren angangen tong,” Preseten Thomas S. Monson a apasa. “Ewe mwan mi mwok ren ewe konik Bethesda; ewe fefin fin nisou; ewe fefin ren an Jacob ewe ito; noun Jairus ewe nengin; Lazarus, mongeen Mary me Martha—emon me emon a pwarano met a fis won ewe an Jericho. Emon me emon neir ra mochen aninnis.
“Ngeni ewe mi mwok me Bethesda, Jises a apasa, ‘Kopwe pwaata, angei kiom, iwe kopwe fetan.’ Ngeni ewe fefin chon tipis a feitto ewe kapas, ‘Kopwe feinno, nge kosap chuwen fori tipis.’ Epwe anisi neminewe a feitto an epwe atit konik, I a awora ewe konik mi puwacheta ngeni manau feinfeino.’ Ngeni ewe nengin noun Jairus mi ma a wareto ewe porous, ‘Kukkun nengngin, uwa apasa ngonuk kopwe pwaata.’ Ngeni Lazarus ewe a fen peiaseno, ‘Lazarus kopwe tou.’
“Ewe Chon Amanau a pwarano fansoun meinisin an tufich ese wor ne kaukun ren an fofforun tong. … Sipwene suki asamen netipach, pwe I—ewe minen apiru mi manau ren ennetin fofforun tong—epwe tonong.”2
Pwan ekkoch Wokisin
Konupin 145:8; Zechariah 7:9; 1 Peter 3:8; Mosaia 15:1, 9; 3 Nifai 17:5–7
Seni ekkewe Pukefel
“Punuwei we me ngang auwa fotupukutiw nepekin noum ewe nengin engon me fisu ierin me tingor ren manauan,” Linda S. Reeves a apasa, aruomonun chon aninis non ewe mwichenapen presetensin Fin Anisi. “Ponuwan pwe apw, nge . … am aua pwan sinei … pwe … [ewe Chon Amanau] a mefi an tong ngenikem non am netipeta.”3
“Ew me nein ekkewe porousen uwa kon sani seni porousen manauen ewe Chon Amanau ewe porousen Lazarus. Ewe pukefel a aiti ngenikich pwe ‘Jises a tongei Martha, … pwin ewe [Mary], me [mongeer ewe] Lazarus.’”4 Nupwen Lazarus a semwen, porous a titino ngeni Jises, nge nupwen a wareto Lazarus a fen mano. Mary a sano ren Jises, a chapetiw ren pechen, me kechiw. Nupwen Jises a kuna Mary ne kekechiw, “netipan a mokutukut, me … a kechiw John 11:33, 35.
“Iei ach tingor. Sipwe mefi me kuna ren pusin kich me mwirin anisi meinisin noun Samach won Nang semirit ar repwe mefi me kuna me sinei pwe ach Chon Amanau a mwarei won inisin esap chok meinisin ach tipis pwe pwa ach metek me riaffou me weiresikis pwe epwe tongeni sinei met epwe mefi me ifa ussun an epwe ekinamweikich.”5
© 2015 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/15. Kapungunon chiakun: 6/15. Chiakun Visiting Teaching Message, December 2015. Chuukese (Trukese). 12592 901
Ekkieki Usun Ei
Ion epwe tongeni feioch seni om foforun tong?