Pweng sin Mwet Forfor Luti, Tisacmpuh 2015
Ohiyac Muhtahl Lucng Me luhn Jisus Kraist: Pahkotwen ac Kuhlwacng
Pruhe in lutlutkihn kuhfa inge ac suk in etuh ma in akacsruhi kac. Etuh ohiyac muhtahl luhn Mwet Lahngo ac ahkyohkye kuh in luhlahlfongi lowos Kacl ac ahkinsewowoye fuhkah mwet kowos liyacacng ke forfor luti uh? Nuh ke kuhtuh pac ma in etuh, som nuh ke reliefsociety.lds.org.
Luhlahlfongi, Sucu, Kahsruh
“Ke ma suhmuhslah uh, pahkotwen uh kalmac pa ‘in wi kweok kac.’ Kalmeyac pac pa in ahkkahlwemye pahkomuhta, kuhlwacng, ac etatwen nuh sin sie pac.”1
“Jisus El use nuh sesr srihkasrak in pahkotwen ke elyah na pucspucs,” Prestuhn Thomas S. Monson el fahk. “Mwet ul se Bethesda; muhtwacn se ma lohiyucki ke orekma koluk la ah; muhtwacn se ke unohn in kof lal Jacob ah; tuhlihk muhtwacn se nahtuhl Jairus; Lazarus, mukul se wiyacl Mary ac Martha—kais sie ekihn twelac kuh ongaiyac ke inkacnek Jericho uh. Kais sie enenuh kahsruh.
“Nuh sin mwet ul se Bethesda ah, Jisus El fahk, ‘Tukakek, srukak mwe oan kiom, ac fahsr.’ Nuh sin muhtwacn orekma koluk sac kahs inge fahk, ‘Som, tusruktu nimet sifilpa oru ma koluk.’ Nuh sel suc tuhkuh in ut kof, El ahksro unohn in kof se ‘kof in moul, oayapa moul ma pahtpat.’ Nuh sin tuhlihk muhtwacn se nahtuhl Jairus ah sap soko inge fahk, ‘Tulik mutan, nga fahk nu sum, tukakek!’ Nuh sel Lazarus suc pihplac in pokongo uh, ‘ilme!’
“Mwet Lahngo El fahkwack yohk sesseslah in pahkomuhta Lal. … Lwelah kuht in ikacslah sruhnguhl luhn insiyacsr, tuh El—suc mwet srihkasrak moul ke pahkotwen—in ilyak.”2
Tahfweyacn Ma Suhmuhslah uh
Psalm 145:8; Zechariah 7:9; 1 Peter 3:8; Mosiah 15:1, 9; 3 Nephi 17:5–7
Ke Ma Suhmuhslah uh
“Mukul tuhmuhk ah ac nga sikuck muhtuhnte sisken tuhlihk muhtwacn yac singucul itkohsr se nahtuhsr inge ac kwacfe moul lal,” Linda S. Reeves, suc ma mwet kahsruh ahkluo ke prestuhnsi luhlahp luhn Rilif Sosaiti el fahk. “Top kac uh pa moh, tuhsruhk . … kuht kahlwem kac … lah … [Mwet Lahngo] El pahko na muhtahsr in ahsor lasr.”3
“Sie sramsram na wo ke moul luhn Mwet Lahngo pa ke sramsram se kacl Lazarus ah. Ma suhmuhslah fahk nuh sesr lah ‘Jisus El luhngse na Martha, …wi ma wiyacl uh [Mary], ac [tamuhlwel lalos] Lazarus.’”4 Ke Lazarus el maswack tari ac, pweng ah som tari nuh sel Jisus, tuhsruhk ke El ai ac Lazarus el misac tari. Mary el kahsruhsr nuh yohrohl Jisus, puhtati ke Niyacl, ac tuhng. Ke Jisus El liyacl Mary ke tuhng ah, “El ahsor in nguhnal, ac … tuhngyak” (John 11:33, 35).
“Pa ingacn ma kunacsr. Kuht enenuh in puhlakihn ac liye sesr sifacna ac na tuhfah kuh in kahsruh tuhlihk nuh kwewa nuhtin Pahpah Lucng in puhla ac liye ac etuh lah Mwet Lahngo lasr El iwaclah tiac ke ma koluk lasr kwewa muhkwena tuhsruhk ke waek ac kweok ac ongaiyac tuh Elan kuh in etuh ma kuht puhlakihn ac in etuh in ahkkweye kuht.”5
© 2015 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 1/15. Ahkkweyeyucklac ke lweng: 1/15. Lwenglah luhn Visiting Teaching Message, December 2015. Kosraean. 12592 868
Nuhnkuh Ma se Inge
Suc kuh in insewowokihn pahkotwen lowos?