Pweng sin Prestuhnsi Se Met, Tisacmpuh 2015
Oruh in Oasr Pacl luhn Mwet Lahngo
Sie pac puhlan pacl in Kristmas pa oactui nuh facsr ac weacng pac kac kuhsruhn lwen in sie yac sasuc uh. Oacna in ekweah na pa kuht ahkfuhlwactye isuslac luhn Leum ac orek olwelah sasuc ah.
Inmahsrlon olwelah sasuc ke yac inge uh, pa kuht otwelah muh in oreklac pacl ke moul lasr ac sekihn insiyacsr nuh sin Mwet Lahngo? Kuht finne wo ohiyac ne ingena ke olwelah sasuc, nga arlac luhlahlfongi lah kuht kwewa ke in oruh wo liki na met ah. Ke Kristmas se inge in pa pacl fal in lohacng ac ahksasucye ke lasr uh.
Ke moul kahfofo lasr uh, ke ma na pucspucs sahyac siai in pwen muhtahsr, arlac yohk srihpac tuh kuht in oruh kuhiyacsr, ke u in use Kraist nuh in moul lasr ac nuh in lohm sesr uh. Ac yohk srihpac tuh kuht, in oacna Mwet Lahlmwetmwet ma tuhkuh Kuhtuhlacp me, in akwucki siyac na itu se Lal ah ac “tuku in alu nuh sel.”1
Tuhkuh ke fihl met me, pweng sel Jisus uh srack oacna met ah. Nuh sel Peter ac Andrew ke pe kof Galilee ac, El fahk, “Fahsr tukuk.”2 Nuh sel Philip pahng sac tuhkuh, “Fahsr tukuk.”3 Nuh sin mwet Levi se suc muhta ke yen in moli tax uh sap soko ah tuhkuh, “Fahsr tukuk.”4 Ac nuh sum ac nga, fin kuht porongo, pounset in solsol sacn pacna in fah tuhkuh ac Ukwacl.5
Ke kuht fahsr in Falkacl mihsenge ac etahi srihkasrak Lal, ac oasr inkacnek wowo in ahkinsewowoye moul luhn mwet sahyac. Jisus El suli kuht in kahsruh ac sang kuh lasr nohfohn in kuhlwacnsuhpuh mwet sahyac ke srihpen El enenuh insiyacsr ac kena lasr uh.6
Kuh oasr mwet suc kowos enenuh in kahsruh ke Kristmas se inge? Kuh oasr sie suc tuhpan muhtwacta lowos an?
Yac somlah ah nga muhtwacta ke sie Kristmas ah nuh yurin muhtwacn mahtuh katinmas se. Ke nga oasr tari we ah, tahpweng ke sruhngucl ah kahslah. Ke motonoac ah sie taktuh na etweyuck ac kahfofo tulac kac. El tiac ma suhpweyuck; tuhsruhk, el puhlahkuhnwack sie pihrihkyuck in muhtwacta me nuh yurin mwet mas se inge suc suhpwacr.
Ke nguhnnguhn in pacl uh, elos suc muhta in muhnahs lalos ahsorack ke Kristmas ac ke in oasr mwet muhtwacta yohroh. Sie Kristmas ah ke nga muhtwacta ke sie iwen liyacacng mwet mas, nga tuh sramsram nuh sin muhtwacn mahtuh limekohsr, sie selos matwac yac 101. El kun, ac el akihlen na puhsrek.
“Pisap, kom pahtlac kuhtuh ke yac inge!” el fahk. “Nga nuhnkuh muh kom ac tiac tuhkuh.”
Kuht arlac engankihn pacl kuht toeni ac. Ne ohinge, sie mwet mas inge, oruh ngwetngwet in ahsor se la ke window uh ac kalweni na in fahk angwe, “Nga etuh lah tuhlihk mukul se nuhtihk inge fah tuhkuh liyeyuc mihsenge.” Nga ke etuh lah elac tuhkuh, mweyen oasr pacl in Kristmas ma el tiac wihn na pahng.
Srack oasr pacl ke yac inge in tahfwelah kahsruh, inse kuhlwacng, ac inse muhtwacnglah uh—kuh, in ukwe srihkasrak akwucki sin Mwet Lahngo lasr ac in kuhlwacnsap oacna ke El fah oruh uh. Ke kuht kuhlwacnsuhpwacl uh, kuht ac tiac foskackuhnlah pacl wowo lasr, oacna mwet taran iwen monglac in pacl met ah,7 in sekihn pacl nuh Sel in moul lasr ac in mwesahs nuh Sel in nuhnak lasr uh.
Yac kuht kuh in kahlwem ke olwelah na wowo ma oasr ke pweng suc lihpufacn se sang nuh sin mwet liyacacng sip suc muhta yen in tohf kosro uh: “Nga us pweng wo nu suwos. … Tuh isusla nu suwos misenge … sie Mwet Lango, su Leum Christ”?8
Ke kuht oruh mwe sang ke Kristmas uh, lwelah kuht in esam, kulohkihn, ac eis mwe sang se ma wolacna emet uh—mwe sang luhn Mwet Lahngo, ac Mwet Iwaclah lasr, tuh kuht in eis moul ma pahtpaht.
Ac tiac oruh ma wo nuh sin mwet se fin mwe sang se ituckyang nuh sel, ac el tiacna ipeis kac. Mwet sacn el tiac engankihn mwe sang ituckyang nuh sel uh, el tiac pacna engan sel suc ma kihte mwe sang uh.9
Lwelah kuht in fahsr Tohkohl, Kuhlwacnsuhpwacl, Ahkfuhlwactyacl, ac in eis ke moul lasr mwe sang Lal nuh sesr, tuh kuht in kuh, oacna ke kahs lal Pahpah Lehi, “apihsyucklac ma pahtpaht ke paho luhngse Lal.”10
© 2015 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 1/15. Ahkkweyeyucklac ke lweng: 1/15. Lwenglah luhn First Presidency Message, December 2015. Kosraean. 12592 868
Luti ke Pweng Se Inge
Prestuhn Monson el pahngon kuht “in oruh kuhiyacsr, ke u in use Kraist nuh in moul lasr ac nuh in lohm sesr uh.” Srihke motko in sruhmuhn nuh selos suc kom luti lah elos kais sie ac sang kuhiyaclos oruh fuhkah ac in sucu uh. Kom ac kuh in siyuck selos in motko ke sie sin mwet kuh sucu suc elos in muhtwacta yohroh kuh kuhlwacnsuhpuh ke Kristmas se inge. “Srack oasr pacl ke yac inge in tahfwelah kahsruh, inse kuhlwacng, ac inse muhtwacnglah uh.”