Klumech er a Oldingel e Olisechakl, Ongeteruich me a Ongerung el Buil 2015
Chedaol Blekerdelel a Jesus Kristo: Chubechub e Bekokeuii
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera a klemedengei er kau el kirel a chedaol blekerdelel Osobel a le oisisii a klaumerang er kau er Ngii e lomekngeltengat er tirkel moldingel er tir lokiu odingel me a osisechakl? A lmuut el bebil er a omesodel, e bo er a reliefsociety.lds.org.
Klaumerang, Telungalek, Ngeso
“A ngara chedaol llechukl, ea chubechub a meral belkul a kmo ‘mol ngeseu lobengkel.’ Ng dirrek el belkul a cholcholt er a blekokeuii, klengit el reng, klubechub el mora tang.”1
“A Jesus mileskid a betok el lokesiu el kirel a klubechub el reng,” ng melekoi a President Thomas S. Monson. “Ngkel chitechut el chad el mla er sel blil a ralm e ra Bethesda; ngkel redil el mlukerrekeriil er a tekoi ra delbois; ngkel redil el mlara madedok er a Jakob; a ngelekel a Jairus el redil; ea Lazarus, ochederir a re ua Mary ma Martha—tokesiul a re choremang el ngara rael er a Jericho. Te rokui el uluusbech a ngeseu.
“Meng millekoi el mor ngkel chitechut el ngara Bethesda, e a Jesus a dilul kmo, ‘Bekiis, mnguu a dukkelem, e morael.’ Meng millekoi el mor ngkel redil el rirebt e ra delbois el delngerengel e lulmeklatk el kmo, ‘Morael, e kelem mluut el meruul a mekngit.’ Meng ngilsuir ngkel redil el melai a ralm, e lulchotii a madedok el ralm ‘el kirel a diak a ulebengelel el klengar.’ E ulekisii a mlad el ngelekel a Jairus el redil el kmo, ‘Chekebil, ak kmur kau el kmo, bekiis.’ E dilu ra mle delakl el Lazarus el kmo, ‘Bem mtobed.’
“A Osobel a di blechoel e lolecholt e ra diak a ulebengelel el sengk e ra klubechub. … De bok a chesmerel a rengud, me Ngii—el di ngar e okesiu ra meral klubechub—bel siseb.”2
Lmuut el Bebil er a Bades
Psalm 145:8; Sekaria 7:9; 1 Petrus 3:8; Mosiah 15:1, 9; 3 Nephi 17:5–7
Ngara Chedaol Llechukl
“Ngak me a bechik a mle tubaruach ra bitara ngelekam el redil el teruich ma euid a rekil el meluluuch me lak el mad,” ng melekoi a Linda S. Reeves, ongerung el counselor e ra Relief Society general presidency. “Ea nger a kmo ngdiak, engdi . … aki mocha medengei … el kmo …[a Osobel] a ngarngii a klubechub er ngii el kiram er chelechal kim ngara klengit el reng.”3
“A tara kot el soak el cheldecheduch el mengai e ra klengar ra Osobel sel cheldechedechal a Lazarus. A chedaol lechukl a subedid el kmo a ‘Jesus a betik a rengul ra Martha, … ma merrengel ra [Maria], ma [chochederir] ra Lazarus.’”4 Sera le secherang a Lazarus, ea tekoi a mlora Jesus, engdi sera le bol duum ea Lazarus a meketeket e ra le mad. A Maria a riruret el mora Jesus, e mlo meterob e ra ochil, e lilangel. Ma Jesus sera lesang a Maria el lemangel, “eng mlo melkedukem a rengul ra reng e …lilangel” Johanes 11:33, 35).
“Seikid a ngercheled. Ng kired el melchesuar e di kid el lomes e kuk mo ngosuterir a re bek el ngelekel a Demad e ra Babeluades mete mo melchesuar e mes e mo medengei el kmo a Osebeled a oltekau a diak el dil kngtid ng dirrek el ringel ma ongarm ma olibesongel el de ngarngii meng medengei a domelchesiu el tekoi meng mekerang a longelaod er kid.”5
© 2015 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/15. Kengei er a oidel: 6/15. Oidel a Visiting Teaching Message, December 2015. Palauan. 12592 881
Ka Momdasu er Tiang
Ng techa mo ngeltengat lokiu a klechubechub er kau?