Parau Poroʻi na te mau Tuahine Hahaere, Titema 2015
Te huru hanahana o Iesu Mesia : Te aroha aumihi (compassion) e te hamani maitai
A tuatapapa na roto i te pure i teie materia ma te imi ia ite e aha te faa’ite atu. Nahea te maramaramaraa i te huru hanahana o te Faaora e faarahi ai i to outou faaroo Ia’na e e haamaitai ai i te feia ta outou e haapa’o nei na roto i te tere hahaereraa ? No te mau haamaramaramaraa hau atu, a haere i ni’a i te reliefsociety.lds.org.
Te Faaroo, Te Utuafare, Te Totauturu
« I roto i te mau papaʻiraa moʻa, te auraa mau no te parau aroha aumihi, o te ‘mamaeraa ïa e te hoê taata’. Te tahi atoa auraa, o te faaiteraa i te taamuraa, te aumihi e te aroha faaoreraa hapa i te tahi ».1
« Ua horo’a mai Iesu ia tatou e rave rahi hi’oraa no te mana’ona’oraa i te taata ma te aroha aumihi », te parau ra te peresideni Thomas S. Monson. « Te piri’o’i i te pape ra no Beteseda ; te vahine i haruhia i roto i te faaturi ; te vahine i te apoo pape ra no Iakoba ; te tamahine a Iaeiro ; Lazaro, te taea’e o Maria e Mareta—e hi’oraa ratou tata’itahi no te taata pêpê i ni’a i te puromu no Ieriko. Ratou paatoa tei hinaaro i te tauturu.
« I te piri’o’i i Beteseda ra, ua parau Iesu, ‘a ti’a, a rave i to ro’i a haere’. I te vahine hara ra, ua tuuhia te a’oraa, ‘a haere, eiaha râ ia hara faahou’. No te tauturu i te vahine tei haere mai e tii i te pape, ua horo’a’tu Oia i te hoê pape pihaa ‘e ti’a i te pihaaraa e tae noa’tu i te ora mure ore ra’. I te tamahine pohe ra a Iaeiro, ua tuuhia te faaueraa, ‘E teie nei potii, a ti’a i ni’a, te faaue atu nei au ia oe’. Ia Lazaro ra i roto i te menema, ‘a haere mai i rapae’.
« Ua faaite noa te Faaora i te aravihi hope ore no te aroha aumihi… Iriti ana’e i te uputa o to tatou aau, ia tomo mai Oia—te hi’oraa ora no te aroha aumihi mau ».2
Te tahi atu mau papa’iraa mo’a
Salamo 145:8 ; Zekaria 7:9 ; 1 Petero 3:8 ; Mosia 15:1, 9 ; 3 Nephi 17:5–7
No roto mai i te mau papaʻiraa moʻa
« Ua tuturi maua o ta’u tane i piha’i iho i ta maua tamahine 17 matahiti, e ua taparu maua no to’na ora », te parau ra Linda S. Reeves, tauturu piti i roto i te peresideniraa rahi o te Sotaiete Tauturu. « ua pahonohia mai e, aita… Ua roaa ia maua te iteraa e… e aroha [aumihi to te Faaora] ia tatou i roto i to tatou mau ati e te oto ».3
« Hoê o ta’u mau aamu au roa i roto i te oraraa o te Faaora o te aamu ïa no Lazaro. Te faaite mai nei te mau papa’iraa mo’a ia tatou e, « ua here Iesu ia Mareta… to’na tuahine [o Maria], e [to raua taea’e] o Lazaro’ ».4 I te ma’iraahia Lazaro, ua poro’ihia i te parau ia Iesu, i To’na râ taeraa mai, ua faaru’e a’ena mai Lazaro. Ua horo Maria ia Iesu ra, topa a’era i to’na pae avae e ta’i a’era. I to Iesu iteraa ia Maria i te ta’iraa, « uuru ihora oia e horuhoru atura ta’na varua » (John 11:33, 35).
« Tera ta tatou faaueraa. E ti’a ia tatou iho ia fafa mai e ia ite mai, ei reira e tauturu atu ai i te mau tamarii paatoa a te Metua i te Ao ra ia fafa mai e ia ite mai ma te papû e, ua amo to tatou Faaora eiaha noa i te taatoaraa o ta tatou mau hara, i to tatou atoa râ mau oto e to tatou mau mauiui e to tatou mau ati, e ti’a ai Ia’na ia ite e, e aha to tatou mana’o, e nahea ia tamahanahana ia tatou ».5
© 2015 na Intellectual Reserve, Inc. Faturaa paruruhia. Nene’ihia i te Mau Hau Amui no Marite. Parau faati’a no te reo peretane : 6/15. Parau faati’a no te iritiraa : 6/15. Iritiraa no Visiting Teaching Message, December 2015. Tahitian. 12592 895
A feruri i teie
O vai te nehenehe e haamaitaihia e to outou aroha aumihi ?