Mulwol ni Ngan Fil ni Ngan Nang, December 2015

Mornga’agen Yesus Kristus nib Thothup: T’ufeg nge Gol

Mmeybil mag bi’eg e ra babyor ney mag gay ni ngam nang ko mang e ngam weliy. Urogon ni mornga’agen fare Tathapeg nib thothup ni ngan nang fan e ra gel nag e mich rom Ngak me fal’eg wa’ath e picha’an ni gabe guy? Ra tin ni gaba a’dag ni ngam nang, man ko reliefsociety.lds.org.

Mich, Tabinaew, Ayuw

U lane pi chep nib thothup, ma t’ufeg e be yup’ fan ko ‘t’ufeg bee’ nibe gafgow.’ Kube yup’ fan ni ngan dag e runguy, ngak bee’.”¹

Ke ga’ar President Thomas S. Monson, “Ke pi’ Yesus bukun e wo’ ngodaed ni mornga’agen e t’ufeg,” “Fare pumo’on nib m’ar ko fare raen u Bethesda; fare ppin nikan kol ni yow be paer bee’ ni gathi mabgol rok; fare ppin niba’ ko fare luwed ku Jakob; fare ppin ni faak Jairus; Lazarus, fare pumo’on ni walagen Mary nge Martha—ra reb ma be yup’ fan fare n’en ni buch u dakean e kanawo’ u Jeriko. Ra bagyad ma ba tu’uf e ayuw rok.

“Ngak facha’ nib m’ar u Bethseda, me ga’ar Yesus, ‘Mu sak’iy ngam fek e chob rom, ngam man.’ Ngak fare ppin’ nib denen e ga’ar ngak, ‘Mman, ma dab kum denen biyay.’ Nge ayuweg e cha’an nike yib ni nge fek e raen, me pi’ ko fare luweth nib ba’ e raen riy ni ‘ma pi’ e yafos ngak ndariy n’umngin nap’am.’ Ngak fare ppin nike yim’ ni faak Jairus e yib e thin ni, ‘Fachi pin, be lungug ngom, mu suwon.’ Ngak Lazarus nikan ki’iyag e ga’ar, ‘Moy nga waen.’

“Fare Tathapeg e gubin ngiyal’ ma ba’ e t’ufeg rok ni darma mus. … Ngad binged maben gumircha’en daed, ngeyog ni Ir—ni cha’an nib wo’ ko t’ufeg nib riyul’—ni nge yib nga lan gumircha’en daed.”²

Yug Pithin ko Chep nib Thothup

Psalm 145:8; Zekariah 7:9; 1 Peter 3:8; Mosiah 15:1, 9; 3 Nephi 17:5–7

Keb ko pi Chep nib Thothup

I ga’ar Linda S. Reeves, bin l’agruw e counselor u lan fare Relief Society general presidency, “Pumo’on rog nge gaag e kug garbog gow nga to’ban fak mow nib ppin nib ragag nge medlip e duw rok ni gomow be wenig nag e yafas rok ni dabin feek. “Fulweg riy e danga’, machane . … kug nangew … ni … [fare Tathapeg] e ba’ amthun rok ngomow u fithik e kirbaen’ romow.”³

“Reb yaat ni mornga’agen e yafas rok Tathapeg ni gu ba adag e mornga’agen Lazarus. Fapi chep nib thothup e be yoeg ngodaed ni ‘Martha e ba t’uf rok Yesus, … walagen [Mary], nge [walagen row nib pumo’on] Lazarus.”⁴ Nap’an ni ubchiya’ Lazarus, ma kan thapeg e thin ngak Yesus, machane nap’an ni taw ma ke yim’ Lazarus. Mary e mil ngak Yesus, me aw nga but u ay, me yoer. Nap’an ni gu’ Yesus Mary nibe yoer, “me taganan’, me … yoer” (John 11:33, 35).

“Iraram e murwel rodaed. Ngarin thamiyed ma gadaed guy ma aram ma gadaed ayuweg gubin pifaak e Chitamangiy nu Tharmiy ni ngar thamiyed mar guyed mar nanged ni Tathapeg rodaed e gathi kemus nike feek gubin e denen rodaed nga dakean machane kub mu’un e amith rodaed nge gafgow rodaed ngay ya ngeyag ni nge nang ko mang e gadaed be thamiy nge rogon ni nge pi’ e gapas ngodaed.”⁵

© 2015 by Intellectual Reserve, Inc. Gubin mabay matwon. Kan yoloey u Mariken. Kan micheg nag ko thin nu Ngalis: 6/15. Micheg nag i pilyeg: 6/15. Pilyeg thin ko Visiting Teaching Message, December 2015. Yapese. 12592 905

Mu Lemnag e Ren’ey

Mini’ e rayog ni nge fal’ wa’athan ni bachane tu’ufeg rom?