Lamharon

Mga Pamaagi sa Pag-alagad sa Tion sang Paskwa

Si Pangulong Monson nagahatag panahon sa pagbisita sang mga tigulang kag sadtong yara sa mga balay alatipanan, ilabi na gid sa tion sang Paskwa. Namitlang niya nga may mga ara nga malipayon bangud nakabaton sila sang mga bisita, samtang ang iban nagalaum lang sa mga bisita nga wala nagaabot. May mga tawo nga nagahulat sa isa ka tawo—ayhan sini nga Paskwa, mahimo nga ikaw inang tawo.

Ang masunod isa ka listahan sang pila lamang ka mga pamaagi nga makabulig ka sa pagsiguro nga wala sing may makabatyag nga nagaisahanon sini nga Paskwa. Mangin hilway sa pagpanumdum sang dugang pa nga mga pamaagi nga makadab-ot kamo sa inyo kumonidad sini nga tion. “May nagahulat bala sang inyo pagbisita?”

• Maghimo sang mga Christmas card nga ipadala sa mga misyonaryo kag sa mga wala pamilya kag tigulang nga mga miyembro sa inyo ward ukon branch.

• Magboluntaryo sa pag-alagad sa isa ka organisasyon sa inyo komunidad.

• Maghatag sang mga kopya sang Libro ni Mormon bilang mga regalo sa Paskwa sa inyo mga abyan kag mga kaingod.

• Magbisita sa mga tigulang sa inyo ward ukon pamilya.

• Maghimo sang mga kalan-on nga ihatag sa inyo mga kaingod.