Agtutubo

Dagiti Wagas a Pakapagserbian iti Panawen ti Paskua

Adda panawen ni Presidente Monson a mangsarungkar kadagiti babbaket ken lallakay ken dagiti adda kadagiti sentro a pagaywanan, nangnangruna iti panawen ti Paskua. Nadlawna nga adda dagiti naragsakan gapu ta nabisitada, idinto ta mangnamnama laeng dagiti dadduma pay a mabisitada ngem saan uray kaano man. Adda dagiti tao nga agur-uray iti maysa a tao—nalabit nga itoy a Paskua, mabalin a sika dayta maysa a tao a bumisita.

Ti sumaganad ket listaan ti sumagmamano laeng a wagas a pakatulonganyo a mangpennek nga awan ti makarikna nga agmaymaysa itoy a Paskua. Nawayakayo a mangpanunot iti ad-adu pay a wagas a pakatulonganyo iti komunidadyo itoy a panawen ti Paskua. “Adda kadi maysa nga agur-uray iti isasarungkaryo?”

Agaramidkayo kadagiti Christmas Cards nga ipatulod kadagiti misionario ken dagiti awan pay asawana ken babbaket ken lallakay a miembro ti ward wenno branchyo.
Agboluntario iti maysa nga organisasion ti komunidad iti lugaryo.
Mangtedkayo kadagiti kopia ti Libro ni Mormon kas sagut iti Paskua kadagiti gagayyem ken kaarrubayo.
Sarungkaranyo dagiti lallakay ken babbaket iti ward wenno pamiliayo.
Agaramid kadagiti makan nga ited kadagiti kaarrubayo.