Ngeasek

Teletael el kirel a Dosiou sel Temel a Kurismas

A President Monson a chemoit a temel el mo oldingel e ra re mechuodel me tirkel ngara blirir a re mechuodel, tokuni ra temel a Kurismas. Ngulemes el kmo te ngarngii a ungil a rengrir le te ngarngii a mlo oldingel er tir, ea re kuk bebil a oureng e ra rechad el dimlak el bo lesterir. Te ngarngii a rechad el mengiil ra kmung techang—ra locha chelechal Kurismas, e kau a locha ngkel chad.

Tiakid a deruchellel a bebil ra teletael ra tekoi el kau a sebechem el mousbech meng diak a chad el mo sabisi er chelechal Kurismas. Bol mimokl a uldesuem el mdasu a betok el teletael el sebechem el lodars el mora beluu er chelechal tokubets el taem. “Ngarngii a chad el mengiil er kau el mo odngelii?”

• Mketmokl a tengami e ra Kurismas e mo durokl el mora re missionari ma re mesobil ma re mechuodel el ngara ward malechub eng branch er kau.

• Bo molngeseu e ra re cheldebechel e ra beluu.

• Morous a llecheklel a Babier e ra Mormon el beresent el mora re sechelim ma re tonari er kau.

• Moldingel ra re mechuodel ra ward er kau malechub eng telungalk er kau.

• Mruul a kall e bo besterir a re tonari er kau.