ຊາວໜຸ່ມ
ການກະທຳທີ່ນຳໄປສູ່ຄວາມສຸກ
ປະທານໄອຣິງສອນວ່າ “ຄວາມສຸກທີ່ເຮົາປາດຖະໜາສຳລັບຄົນທີ່ເຮົາຮັກ ແມ່ນຂຶ້ນຢູ່ກັບການເລືອກຂອງເຂົາເຈົ້າ.”
ເຈົ້າສາມາດອ່ານກ່ຽວກັບຜົນສະທ້ອນຂອງການເລືອກ ຈາກຕົວຢ່າງຂອງນີໄຟ, ເລມັນ, ແລະ ເລມູເອນ. ເລມັນ ແລະ ເລມູເອນ ໄດ້ຈົ່ມ ແລະ ບໍ່ຢາກຮັກສາພຣະບັນຍັດ (ເບິ່ງ 1 ນີໄຟ 2:12). ຜົນສຸດທ້າຍຄື, ເຂົາເຈົ້າ ແລະ ລູກຫລານຂອງເຂົາເຈົ້າ ໄດ້ຖືກສາບແຊ່ງ ແລະ ຖືກຕັດອອກຈາກທີ່ປະທັບຂອງພຣະຜູ້ເປັນເຈົ້າ (ເບິ່ງ 2 ນີໄຟ 5:20–24). ນີໄຟໄດ້ເລືອກທີ່ຈະເຊື່ອຟັງພຣະບັນຍັດ (ເບິ່ງ 1 ນີໄຟ 3:7), ແລະ ເປັນຍ້ອນ ເລື່ອງນັ້ນ, ເພິ່ນ ແລະ ຜູ້ຄົນຂອງເພິ່ນ ຈຶ່ງ “ມີຊີວິດຢູ່ຕາມທາງແຫ່ງຄວາມສຸກ” (2 ນີໄຟ 5:27).
ເຈົ້າ ສາມາດ ເລືອກ ທີ່ ຈະ ເປັນຄົນຊອບທຳ ແລະ ມີຄວາມສຸກ. ແຕ່ຜູ້ຄົນທີ່ຢູ່ອ້ອມຮອບເຈົ້າອາດຈະເລືອກສິ່ງທີ່ບໍ່ດີ ທີ່ນຳໄປສູ່ຄວາມໂສກເສົ້າ ຫລື ບໍ່ສະບາຍໃຈ. ເຖິງແມ່ນການຕັດສິນໃຈເຫລົ່ານັ້ນເປັນຂອງເຂົາເຈົ້າເອງທີ່ຈະເຮັດ, ແຕ່ຕົວຢ່າງຂອງເຈົ້າກໍສາມາດມີອິດທິພົນຕໍ່ການເລືອກຂອງເຂົາເຈົ້າທີ່ຈະເຮັດສິ່ງທີ່ດີໄດ້. ການເລືອກຂອງເຈົ້າ ສາມາດນຳຄວາມສຸກມາສູ່ຄົນອື່ນໄດ້ແນວໃດ? ໃຫ້ສົນທະນາກັບຄອບຄົວຂອງເຈົ້າ ເຖິງວິທີຕ່າງໆ ທີ່ເຈົ້າສາມາດເປັນອິດທິພົນໃຫ້ແກ່ຄົນທີ່ຢູ່ອ້ອມຮອບເຈົ້າ ແລະ ຊ່ອຍເຂົາເຈົ້າໃຫ້ຮູ້ສຶກມີຄວາມສຸກ.