Serafo

Foffor Ra Emwen ngeni Pwapwa

Preseten Eyring a afanafana pwe “ewe pwapwa sia mochen fan iten atongeach kewe a anongonong won ar finata.”

Ka tongeni anneani ussun met a fis pokiten ach finata seni met a fis ngeni Nifai, Laman, me Lemuel. Laman me Lemuel ra ngunungun me rese mochen repwe aponueta ekkewe annuk (nengeni 1 Nifai 2:12). Iwe, ir me mwirimwirir kewe ra anumamaw me tou seni fan mesen ewe Samon (nengeni 2 Nifai 5:20–24) Nifai a finata an epwe anneasochisi ekkewe annuk (nengeni 1 Nifai 3:7), iwe pokiten ena, ir me noun kewe aramas ra “nonnom non ewe napanapen pwapwa.” (2 Nifai 5:27).

Ka tongeni finata om kopwe pung me pwapwa. Nge aramas unukum repwe chok fori ekiek mi ngaw epwe emwenir ngeni netipengaw me ar resap pwapwa. Nupwen repwe ani ekana sokkun ekiek, om napanap mi murinno a tongeni ekkesiwini ar mochen repwe murinno. Ifa ussun om mochen repwe tongeni wato pwapwa ngeni ekkoch? Porous ngeni om famini ussun ekkewe sokofesenin anen om kopwe tongeni ekkesiwini ekkewe aramas unukum ngeni murinno me anisir ar repwe mefi pwapwa.