Me Pwulopwul Kan

Wiewia kan Me kin Elehda Nsenamwahu

Presiden Eyring kin padahngki me “nsenamwahu me kitail anahnehieng kempoakepahtail kan kin sang ni arail pilipil kan.”

Kumwail kak wadek duwen lipwalipw me pilipil kan kak alehdi sang ni karasaras akan en Nephi, Laman, oh Lemuel. Laman oh Lemuel kin akupwung oh sohte kin men kolokol kosonned akan (tehk 1 Nephi 2:12). Sang ni wiewia pwukat, ira oh kodoudokera ko ahpw riahlahr oh pokousla sang rehn Kauno (tehk 2 Nephi 5:20–24). Nephi pilada en peikieng kosonned akan (kilang 1 Nephi 3:7), oh pwehki eh kapwaiada, ih oh nah aramas oko “momourki kapai en nsenamwahu” (2 Nephi 5:27).

Kumwail kak pilada kumwail en mehlel oh nsenamwahu. Ahpw aramas akan pahn kak ele pil wiewiahte pilipil sohte mwahu kan me kin elehda kahpwal de kansensued. Ni pilipil pwuko eh wia pein arail, amwail karasaras kak sewesehkinirail arail pilipil kan me mwahu. Ia duwen amwail pilipil kan eh kak wadohng mehteikan nsenamwahu? Koasoaiahieng amwail peneinei soangoasoangen wiepe kan me kumwail kak wekidekihla mehlel mehn mpamwail kan oh sewese irail en kak ahniki nsenamwahu.