Fal’ Yangren

Mithmith Nima Gagyegnigey ko Falfalen’

Ke fil President Eyring ni “fare falfalen’ ni gadaed ba adag ni ngeyag ngak e picha’an nib tu’uf rodaed e ba mil fan ngoraed.”

Rayog ngam bi’eg mornga’agen e n’en nike buch ko tin nikan mel’eg ban’en ko wo’ rok Nephi, Laman, nge Lamuel. I togopluw Laman nge Lemuel ma dabun row ni ngar fol gow ko fapi motochiyel (muguy ko 1 Nephi 2:12). N’en nike buch e, yaed nge pigirdi’en raed e kan gechig nag raed ma kan chuweg raed u pow’chen Somoel (muguy ko 2 Nephi 5:20–24). Nephi e mel’eg ni nge fol ko fapi motochiyel (muguy ko 1 Nephi 3:7), ma bachane binem, ma gidii’ rok nge ir e kar “pired ni gamaed ba falfalaen’” (2 Nephi 5:27).

Rayog ngam mel’eg ni ngam paer ni gab mangil mag falfalen’. Machane gidii’ nib liyeg nem e ku rayog ni yaed ra mel’eg e tin nib kireb ban’en ni be fek raed ko kirbaen’ nge gafgow. Ya ba mil fan ngoraed, ma wo’ rom e rayog ni nge ayuweg raed ko tin ni yaed be mel’eg ni nge mangil. Urogon ni rayog ninge yag e falfalen’ ngak boech e gidii’ ko pin’en ni gabe mel’eg? Weliy ngak e tabinaew rom e pi wo’ ni rayog ni ngam ayuweg e picha’an nib liyeg nem ni ngam ayuweg raed ngar thamiyed e falfalen’.