Yut

Ol Aksen we I lid I Go long Fasin blong Stap Hapi

Presiden Aering i tijim se “fasin blong stap hapi we yumi wantem blong olgeta we yumi lavem i dipen long ol joes blong olgeta.

Yu save rid abaot wanem i hapen from ol joes we i bin hapen long ol eksampol blong Nifae, Laman, mo Lemyul.” Leman mo Lemyul i bin komplen mo no wantem obei long ol komanmen (luk long 1 Nifae 2:12). Olsem wan risal, olgeta wetem ol laen blong olgeta, oli kasem panis mo nomo save gobak long ples we God i stap long hem (luk long 2 Nifae 5:20–24). Nifae i bin jusum blong obei ol komanmen (luk long 1 Nifae 3:7), mo from hemia, hem mo ol pipol blong hem “oli bin laef folem fasin blong stap hapi” (2 Nifae 5:27).

Yu save jusum blong gat stret mo gud fasin mo stap hapi. Be ol pipol raon long yu, ating bae oli gohed blong mekem joes we i no gud we i save lidim yu i go long rod we i nogud o i no gat gud filing long hem. From se ol desisen ia hem i blong olgeta blong mekem, eksampol blong yu i save mekem se oli save mekem gud joes. ?Olsem wanem ol joes blong yu i save mekem ol narafala man oli hapi? Toktokraon wetem famli blong yu long ol defren wei we yu save winim olgeta raon long yu mo helpem olgeta i filim hapi.