2016
Famle Wan Ofisol Toktok I Go long Wol
Jenuware 2016

Visiting Tijing Mesej, Jenuware 2016

Famle Wan Ofisol Toktok I Go long Wol

Stadi long toktok ia wetem prea mo lukluk gud blong save wanem blong serem. ?Olsem wanem taem yu andastanem doktrin blong famle i blesem olgeta we yu stap lukaotem tru long visiting tijing? Blong kasem moa infomesen, go long reliefsociety.lds.org.

Fet, Famle, Help

Blong jeneral Rilif Sosaeti miting long 1995, taem Presiden Godon B. Hinkli (1910–2008) i bin ridimaot blong fastaem “Famle: Wan Ofisol toktok i go long Wol,” Boni L. Oskason, Yang Woman jeneral presiden, i talem: “Mifala i talem tangkyu from mo glad long hamas, pepa ia we i fulap long revelesen ia i klia gud, i simpol mo trutok i stap insaed. … Wan Ofisol Toktok abaot famle i kam wan standet blong jajem ol bilif blong wol, mo mi testifae se ol prinsipol we oli stap insaed … oli tru tedei olsem bifo taem wan profet blong God i bin givim kolosap 20 yia i pas finis.”1

“Insaed long wan ofisol toktok abaot famle,” Karol M. Stifens, fas kaonsela long Riilif Sosaeti jeneral presidensi i ademap “yumi lanem, se long laef bifo laef long wol ia, ol spirit boe mo ol gel oli bin save mo wosipim God olsem Papa blong olgeta we i no save finis’2 …

“… Yumi wanwan i kam long mo oli nidim yumi long famle blong God.”3

Yumi laef long wan taem we ol papa mo mama oli mas protektem hom mo famli blong olgeta. Famle “Wan Ofisol Toktok I Go long Wol” i save givhan long yumi.

Sam Moa Skripja

Mosaea 8:16–17; Luk long Doctrine and Covenants 1:38

Ol Stori we Oli Tru

“Li Mei Jen Ho i kam long Nambatri Tao Yuan Wod, Tao Yuan Taiwan Stek, i talem se ofisol toktok i bin tijim hem se famle rilesensip i helpem developem ol tabu fasin olsem fet, fasin blong save wet longtaem, mo lav. ‘Taem mi traem blong mekem mi kam antap miwan folem wanem ofisol toktok i talem, mi save eksperiensem tru fasin blong stap glad,’ hem i talem.”4

Barbra Tomson, we hem i bin stap long taem we oli bin ridimaot ofisol toktok blong fas taem mo afta hem i bin stap olsem wan kaonsela long Rilif Sosaeti Jeneral Presidensi, i talem: “Mi bin tingting blong wan smol taem se [ofisol toktok abaot famle] i no stret long mi tumas from mi no bin mared mo no bin gat pikinini. Be mi tingting kwik afta, ‘Be si hem i blong mi tu. Mi mi wan memba blong famle. Mi mi wan gel, wan sista, wan anti, wan kasen, wan nis, mo wan bubu woman. … Iven sapos mi bin wan memba blong famle blong mi nomo, bae mi stap yet wan memba blong famle blong God.’”5

© 2016 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/15. Oli letem translesen: 6/15. Translesen blong Visiting Teaching Message, January 2016. Bislama 12861 852

Ol Not

  1. Bonnie L. Oscarson, “Defenders of the Family Proclamation,” Liahona, Mei 2015, 14–15.

  2. Famle “Famle: Wan Ofisol Toktok I Go long Wol,” 35538 852.

  3. Carole M. Stephens, “The Family Is of God,” Liahona, Mei 2015, 11.

  4. Nicole Seymour, “‘The Family: A Proclamation to the World’ reaches 10-Year Milestone, Liahona, Nov. 2005, 127.

  5. Barbara Thompson, insaed long Daughters in My Kingdom: The History and Work of Relief Society (2011), 148.

Tingting long Hemia

“Famle i olsem wanem: Wan Ofisol Toktok I Go long Wol ?i wan infomesen long dei blong yumi?