Pweng sin Prestuhnsi Se Met, Fepweri 2016
In Ai Sef in Pacl Eng Tuhyak
Pacl fototo somlah ah muhtwacn kiyuck uh, Harriet, ac nga tuh tu ke acn in aksohk se liye aksohk na kahto ma tuhwi uh. Lwen pacna engyeng se, ac eng uh tuhyak uk monun aksohk ma tuhkuh inge, pwacnwacng aksohk uh kais soko ikwot ikme ac usrusr ke pacl in ai uh.
Ke kuht tu tuni eng tuhyak uh ac lainyacn aksohk uh, nuhnkuhk fohlohklac motko ke pacl in ahkpah utuck oaksohk luhk ah ac ip yohk nga lotwelah we—ac tok luti paeluht sahyac nuh ke ahkpah.
“Nimet kom lain mwe ikwik uh ke pacl eng tuhyak uh,” pa kahs luhk nuh selos ah. “Muhta oakwuck; nimet sol pahkah. Ahksuwohs in siyac lain soko infulwen innek ke yen inai an. Fin kom kuhflah liki innek kom tuhngal an, ahksaye na in ahkpwacyei tuhsruhk ke luhpah fal. Luhlahlfongi kuhiyacn aksohk okowos an. Muhtwacnglah na eng tuhyak an.”
Mwet pah in ikwik aksohk uh kahlwem lah elos tiac arlac kuh in kutong ma sikyak yohrohlos uh. Elos tiacna kuh in tulokihnyac eng tuhyak uh. Elos tiac kuh in oruh af kuh sno uh in wacngihnlac. Elos tiac kuh in tulokihnyac eng uh kuh in kihfaslah.
Tuhsruhk elos kahlwem pac lah tahfonglac se pa in sahngweng ke eng tuhyak uh kuh eng upac—ac in arlac fohrohti kac. Luhman tuhwi sef ke ohiyac uh tiac arlac sun uh pa in tuhngal innek ohsrihksrihk soko ac sohki nuh ke innek uh arlac suwohs.
Ke nga liye aksohk nuh ke aksohk uh oruh ai lalos uh ac esamwack ke ma nga lotwelah ke yac ma nga utuck aksohk ah, nga motko lah sahp e tiac oasr mwe luti kac nuh ke moul lasr pengana lwen uh.
Kuht tiac kuh in arlac kutong pahkah ma moul uh oaki ke innek lasr uh. Kuhtuh pacl uh ma uh tiac som oacna luhngse lasr uh. Kuht e sahp usrusryak ac ukukyak ke tuhyak luhn ma suhfal, suhlahlahlfongi, sahngweng, suhpwacr, kuh fohs.
Ke pacl ingo, fihsrwacsr in srwemlah ke ma nuh kwewa ma som ohnglah uh ac in oraclah fohs lasr uh in ekohslah nuhnak lasr uh. Mwe sruhf uh ma in tuni ke moul in srihke suc kuht sun liki na in nuh sin Mwet Lahngo ac fahkwack luhlahlfongi lasr ke ma pwacye.
Tuhsruhk tiac pa innek se ma wo emet in kohllah ke ma upac luhn moul lasr uh.
Oacna ke mwet pah in utuck aksohk uh sang lohacng lal tiac nuh ke eng tuhyak uh tuhsruhk nuh ke infulwacn acn in ai uh ac ahksuwohsye acn in ai uh, na kuht pac enenuh in lohacng yohk nuh ke infulwacn luhlahlfongi lasr—Mwet Lahngo lasr uh, wosasuc Lal, ac plwacn luhn Pahpah tuhmasr Inkuhsrao—ac ke finsrak yohk lasr—pa in fohlohk sef nuh inkuhsrao. Kuht enenuh in luhlahlfongi God ac oruh moul lasr uh in fahsr fal nuh ke moul in srihke luhn mwet tuhma lutlut in pa finsrak lasr uh. Kuht enenuh in lohacng, sang insiyacsr, ac nuhnkwacsr in tuni na in moul fal nuh ke ma kuht etuh muh fal uh.
Fahkwack luhlahlfongi lasr ac luhlahlfongi Pahpah Lucng ke kuht liyacacng masap Lal ac use engan ac wolacna. Ac ke kuht tu kuh ke innek uh, kuht fah kuhtanglah kain in eng tuhyak nuh kwewa—finne arlac upac—ac fohlohk sef nuh yen sesr inkuhsrao.
Kuh finne yen engyeng uh mwesahs kuh sesseslah ke puhkuhnyeng in tihkuclkucl, ke kuht ekihn mwet tuhma lutlut luhn Jisus Kraist uh, kuht suk met ke tohkohsrahi luhn God ac suwohswohs Lal, in etuh lah kuht fin oruh oacna, ma nuh kwewa sahyac kuht enenuh uh fah ahksro tohkohyang (liye Matthew 6:33).
Mwe luti na yohk srihpac se nuh ke moul!
Ke yohk fortweyucki lasr ke ma upac, toasr, suhlahlahlfongi, ac sahngweng lasr uh, ma uh e upaci yohk liki na met ah. Tuh ke yohk tuni lasr nuh ke finsrak nuh inkuhsrao tok ac nuh ke engan in ukwe innek luhn mwet tuhma lutlut uh—luhngse God, kuhlwacnsuhpuh mwet tuhlan lasr uh—kuht e kuhna in loangwekuhtlac in pacl fosrngah ac eng tuhyak.
Mwet kawuck, eng uh finne upac nuh ke moul lasr facluh, wosasuc luhn Jisus Kraist ac kwacna kahsruh use innek in tuhwi sef ke tohkohsrahi luhn Pahpah Inkuhsrao.
© 2016 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/15. Ahkkweyeyucklac ke lweng: 6/15. Lwenglah luhn First Presidency Message, February 2016. Kosraean. 12862 868
Luti ke Pweng Se Inge
Prestuhn Uchtdorf el kai nuh sesr in “luhlahlfongi God ac oruh moul lasr uh in fahsr fal nuh ke moul srihke luhn mwet tuhma lutlut in pa finsrak lasr uh.” Motko in siyuck selos suc kom luti an lah fuhkah luhman tu kuh lalos “nuh ke finsrak nuh inkuhsrao tok ac nuh ke engan in ukwe innek luhn mwet tuhma lutlut” ke pacl elos sun ma upac uh. Kom ac kuh in suli elos in nuhnkuh ke kuhtuh innek ma elos kuh in nuhnkuh ke fahkwack luhlahlfongi lalos ac ke Kraist in pacl upac ac in sulaclah ke pruhe in kais kuhtuh sang nuhnak in ahkwoye moul lalos an.