Ngeasek
A Uchetemel a Klaumera er Ngak
A milluches a kiei er a Idaho, USA.
Sera le 16 a rekik, e a tal sechelik a dilum er a blimam lobengterir a re misionari. Chelsel a tal buil er sel kot lomesubam, e a rokui el mle kerik a mle bleketakl el monger. A kulmelchesiu er a Chedaol Reng louchais el kirel a klemerang er a klemechel a mla Moluut el ebangkelio. Ng kmal mle ngodech er a rokui el bla kumelchesiu, me ak mlo medengei el kmo ngii el rokui a klemerang.
Eng di, ak siliseb er a betok el ringel me a ultok el diak el uai a ngaramong. Ak mlo omelchesiu el sabisi, mesaul a renguk, e rrau a renguk. Alsekum ak meruul er a ungil tekoi, e ngera uchul me ak chelbangel a betok el ongarm. Ng dimlak kudengei el kmo aikal ringel ngera a mo klungiaol el mei er ngak. A re misionari a ulsischeklak el mo olsengerenger e ngara nglunguuch, luldimukl a ikel taem el kngara skuul. Sel kumelchesiu el kmal kora oberedang e ak mlo ngara nglunguuch e mlo melchesuar ra ongelaod er a Reng.
Ng mle betok ongarm er a bocha le temel a techolbechelid er ngak. A merredelek er a ureor a millekoi el kmo ak mo merek loureor alsekum ak mo metecholb e diak knguu a temel a tara chad er a ureor, ak dirrek el mlo smecher el motzio me ak mocha niuiing er a ospitar, me a rechad er a blik a uleldik er ngak er a blimam. Meng rokui el tekoi el kora di mle chetituokel, e a di chimol mle sebechek el rullii a obult el mora Rubak.
A dersta er a ikal ringel a bai ulebult el mo klungiolek. Aika ulsischeklak lobult el mo ultuil aikel osischakl er a ebangkelio, el ngii a milskak sel luchetemel a klaumera er ngak.