Klumech er a Roldingel e Olisechakl, Ongerung el Buil 2016
A Chebechiil a Cheledaol er a Dios
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekera klemedengei er kid er sel “Telungalek: Chais el mora Beluulechad” a le choisisii a klaumera er kid er a Dios e lomekngeltengat er tirkel moldingel er tir lokiu odingel me a osisechakl? A lmuut el bebil er a omesodel, e bo er a reliefsociety.lds.org.
Klaumerang, Telungalek, Ngesou
A re profet, re apostol, me a remengeteklel a ikelesia a melemolem “louchais el kmo a chebechiil er a delongelel a sechal me a redil a cheledaol er a Dios e a telungalek a kmal moktek er sel uldesuel a Ulemeob.”1
A Elder D. Todd Christofferson er a Chelechad er a Teruich me a terung el Apostol a millekoi: “A telungalek el mokdubech er a chelsel a chebechiil er a sechal me a redil a mekdebechii a kot el lungil delengchokl er a chelsel sel uldesuel a Dios. …
“… Ng diak a ngii di el chad el ngodechii tia el chedaol teletelel a chebechiil.”2
A Bonnie L. Oscarson, el merredel er a cheldellel a Young Women, a millekoi: “A rokui el chad, el diak el iior er a teletael er a chebechiil le ngara chelsel malechub a iidisir a rengelekir, a sebechir el mo mesebechakl er a uldesuel a Rubak el ngii a selaod er a chelsel tial chisel a telungalek. Alsekum eng uldesuel a Dios, eng dirrek el kirel mo uldesued!”3
A Elder Christofferson a millemolem el kmo: “A rebebil er kemiu a kuk diak a techellir el mo bechiil el ngarngii a uchul luldimukl er a locha diak kobetik er a om chatter el chad, a lechub eng kuk soam osisiu el chad el uai kau, chelitechetul a bedengem malechub a uldesuem, malechub ke kuk di bekikl el kmo ng mo diak el sebechem lotekur. … Malechub e ke mla bechiil, e mlo diak kobechiil. … A rebebil er kemiu el bechiil a kuk diak el sebechiu el mo oungalek. …
“Eng di, … a bek el chad a sebechir el ngarngii a relii er sel chedaol uldasou er a chelsel a bek el telcheroll.”4
Bebil er a Chedaol llechukl
Genesis 2:18–24; 1 Korinth 11:11; Doctrine and Covenants 49:15–17
Meral Cheldecheduch
A Odam er kid er a Larry M. Gibson, el mle merredel er a cheldellel a Young Men, a dobedebkii a Shirley, el ngii a bechil er chelechang, el dilu el kmo:
‘”Ng betik a renguk er kau le ak medengei el kmo ngelmuut el betik a rengum er a Rubak er ngak.’ …
“Tial tekoi a kmal silbechii er a renguk. …
“… [E] mle soak a bo lodengei el kmo ng blechoel di betik a renguk er a Rubak er a rokui el tekoi.”5
A Elder David A. Bednar er a Chelechad er a Teruich me a terung el Apostol a ulsisechakl: “A Rubak el Jesus Kristo a ngii a dodai er a chelsel a deleuill er a chebechiil. …[Ka momtab er tiang] a Osobel a ngii a ngar sel bebul [a] kliars, e a redil a ngar sel bital tkul er eou me a sechal a kuk ngara sel bita el tkul. Chelechang e ka momtab el kmo ngua ngera deleuill er a sechal me a redil el tir a dmak el kaukledem el ‘ngara Kristo’ e melasem el mo ‘cherrungel lokiu Ngii’ (Moroni 10:32). Ngultuill e okiu Osobel, e a sechal me a redil a kmal mo dmak el ta rengrir.”6
© 2016 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/15. Kengei er a oidel: 6/15. Oidel a Visiting Teaching Message, February 2016. Palauan. 12862 881
Ka Momdasu er Tiang
Ngak ak mekerang e melasem el “mei er a Kristo”?