Visiting Tijing Mesej, Febwari 2016
God nao i odenem mared
Stadi long toktok ia wetem prea mo luklukgud blong save wanem blong serem. ?Olsem wanem nao taem yu andastandem “Famle: Wan ofisol toktok i go long wol” i leftemap fet blong yu long God mo blesem olgeta we yu stap lukaotem olgeta tru long visiting tijing? Blong kasem moa infomesen, go long reliefsociety.lds.org.
Fet, Famle, Help
Ol Profet, ol aposol, mo ol lida oli gohed blong “talemaot tabu tok ia se God i odenem mared bitwin man mo woman mo famle hem i stamba blong plan blong Krieta.”1
Elda D. Tod. Kristofeson blong Kworom blong Olgeta Twelef Aposol i tijim: Wan famle we oli bildim tru long mared blong wan man mo wan woman I givim paoa long plan blong God blong i stap strong. …
“… I no gat wan long yumi o eni nara samting long wol ia i save jenisim tabu oda ia blong mared.”2
Boni L. Oskason, Yang Woman jeneral presiden, i talem: “Evriwan, nomata oli mared o nogat o namba blong pikinini i bigwan, smol o nogat - oli save difendem plan blong Lod olsem we oli tokbaot insaed long famle wan ofisol toktok i go long wol. Sapos hem i plan blong Lod, hem i sud plan blong yumi tu!”3
Elda Kristofeson i gohed blong talem: “Blesing blong mared i no kam long sam long yufala from samfala risen, olsem i no gat wan we i stret blong maredem, o from yu laekem wan we i sem seks long yu, o from handikap long bodi o tingting, i from nomo yu fraet blong yu no mekem gud. … o ating yu bin mared, be mared blong yu i bin en. … Sam long yufala we oli bin mared oli no save gat pikinini. …
“Nomata we i olsem,… evriwan i save help blong mekem i kam tru, tabu plan ia long wanwan jeneresen.”4
Sam Moa Skripja
Luk long Jenisis 2: 18-24; Luk long Fas Korin 11:11 AM–26; Luk long Doktrin mo Ol kavenan 49:15-17
Ol Stori we Oli Tru
Brata Lari M.Gibson, we hem i bin fas kaonsela insaed long Yang Man Jeneral Presidensi, i tingbaot taem we Seli, we naoia waef blong hem i talem:
“‘Mi lavem yu from mi save se yu lavem Lod bitim we yu lavem mi.’ …
“Ansa ia i stikim hat blong mi …
“….[Mo] mi wantem hem blong filim oltaem se mi lavem Lod bitim evri samting.”5
Elda Deved A. Bedna blong Kworom blong Olgeta Twelef Aposol i bin tijim: “Lod Jisas Kraes i stamba poen insaed long wan kavenan blong mared laef. … [tingting olsem] Sevya i stap long en blong wan traeangel, wetem wan woman long wan kona mo wan man long nara kona blong traeangol. Nao tingting long wanem i stap hapen long rilesensip bitwin man ia mo woman ia taem wanwan long tufala i stap ‘kam long Kraes’ mo traehad blong kam stret evriwan long Hem (luk long Moronae 10:32) From mo tru long Ridima, man ia mo woman ia i stap kam klosap tugeta.”6
© 2016 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/15. Oli letem translesen: 6/15. Translesen blong Visiting Teaching Message, February 2016. Bislama. 12862 852
Tingting long Hemia
Wan stamba tingting i blong invaetem ol narafala man blong kam long Kraes.