Messaġġ tal-Għalliema taż-Żjajjar, Frar 2016
Iż-Żwieġ Hu Ordnat minn Alla
Bl-għajnuna tat-talb studja dan il-materjal u fittex sabiex tkun taf x’ għandek taqsam ma’ ħutek. Jekk intom tifhmu aħjar “Il-Familja: Proklamazzjoni lid-Dinja” kif jista’ jwassal biex intom tkabbru l-fidi tagħkom f’ Alla u tbierku lil dawk li intom responsabbli minnhom permezz tat-tagħlim taż-żjajjar? Għal aktar informazzjoni, żuru reliefsociety.lds.org.
Fidi, Familja, Għajnuna
Il-profeti, l-appostli u l-mexxejja jkomplu “b’ mod solenni jiddikjaraw li ż-żwieġ bejn raġel u mara hu ordnat minn Alla u li l-familja hija fil-qalba tal-pjan tal-Kreatur.”1
Il-Presbiteru D. Todd Christofferson tal-Kworum tat-Tnax-il Appostlu qal: “Familja mibnija fuq żwieġ ta’ bejn raġel u mara tissupplixxi l-aqwa ambjent biex fih jiżviluppa l-pjan ta’ Alla. …
“… La aħna u l-ebda bniedem mortali ieħor ma jista’ jibdel din l-ordni divina taż-żwieġ.”2
Bonnie L. Oscarson, president ġenerali tat-Tfajliet, qalet: “Kull persuna, hi x’inhi ċ-ċirkustanza tagħha fiż-żwieġ jew għandha kemm għandha tfal, tista’ tkun difensura tal-pjan tal-Mulej kif deskritt fil-proklamazzjoni tal-familja. Jekk dan huwa l-pjan tal-Mulej, għandu jkun ukoll il-pjan tagħna!”3
Il-Presbiteru Christofferson kompla jgħid: “Xi wħud minnkom tinsabu mċaħħdin mill-barka taż-żwieġ għal ċerti raġunijiet varji fosthom minħabba nuqqas ta’ għażliet xierqa, minħabba attrazzjoni lejn nies tal-istess sess, minħabba xi diżabbiltà fiżika jew mentali, jew sempliċiment minħabba biża’ ta’ falliment. … Jew forsi hemm minnkom li żżewwiġtu, iżda dak iż-żwieġ sfaxxa. … Uħud minnkom li intom miżżewġin ma jistax ikollkom tfal. …
Iżda xorta waħda, … kulħadd jista’ jikkontribwixxi għat-twettiq tal-pjan divin f’ kull ġenerazzjoni.”4
Skrittura Addizzjonali
Ġenesi 2:18–24; 1 Korintin 11:11; Doctrine and Covenants 49:15–17
Stejjer Ħajjin
Brother Larry M. Gibson, li kien l-ewwel kunsillier fil-presidenza ġenerali tal-Ġuvintur, irrakkonta meta Shirley, li issa hija martu, qaltlu:
“‘Jiena nħobbok għaliex naf li inti tħobb lill-Mulej aktar milli tħobb lili.’ …
“Dik it-tweġiba ħassejtha f’ qalbi. …
“… U jiena ridtha li hi dejjem tkun taf li l-imħabba tiegħi lejn il-Mulej tiżboq kull imħabba oħra.”5
Il-Presbiteru David A. Bednar tal-Kworum tat-Tnax-il Appostlu għallem: “Il-Mulej Ġesù Kristu huwa fil-qalba ta’ relazzjoni ta’ żwieġ tal-patt. … Immaġinaw li s-Salvatur jinsab fil-quċċata ta’ trianglu, bil-mara fil-bażi f’ angolu wieħed u r-raġel fil-bażi f’ angolu ieħor. Issa kkunsidraw kif tkun ir-relazzjoni bejn raġel u mara hekk kif b’ mod individwali huma verament ’jersqu lejn Kristu’ u jagħmlu l-almu tagħhom biex ’ikunu pperfezzjonati fih’ (Moroni 10:32). Permezz tal-Feddej, ir-raġel u l-mara jistgħu jersqu aktar viċin xulxin.”6
© 2016 minn Intellectual Reserve, Inc. Id-drittijiet kollha riservati. Stampat fil-Ġermanja. Approvazzjoni bl-Ingliż: 6/15. Approvazzjoni tat-traduzzjoni: 6/15. Traduzzjoni ta’ Visiting Teaching Message, February 2016. Maltese. 12862 159
Ikkunsidra Dan
Kif qiegħed jiena b’ mod individwali verament nagħmel li nista’ biex “nersaq lejn Kristu“?