An Fefin Chon Amwa Poraus, February 2016
Pupunu Mi Kefinita me ren Kot
Kaeo fiti iotek usun ekkei mettoch me kutta om kopwe sinei met kopwe aporausa. Ifa ussun om weweiti “Ewe Famini: Ew Esinesin ngeni ei Fonufan” epwe anapano om nuku non Kot me efeiochu ekkewe ka tumunur non fansoun amwa? Ren pwan ekkoch poraus, kopwe no ngeni reliefsociety.lds.org.
Nuku, Famini, Aninis
Soufos, chon kaeo, me sou emwen ra sopweno ne “pwarata pwe pupunu nefinan emon mwan me emon fefin mi kefinita me ren Kot me ewe famine mi nukanapan ewe kokkoten ewe Chon For.1
Elter D. Todd Christofferson seni ewe Mwichen Engon me Ruemon Aposel; a apasa: “Ew famini a foruta won ewe pupunu an emon mwan me fefin a awora ewe murinon fofforun an Kot ewe kokkot an epwe marino. …
“… Esap kich ika pwan emon epwe tongeni siwini ei angang mi pin an mi pupunu.”2
Bonnie L. Oscarson, meinapen presetenin Ekkewe Fopun, a apasa: “Meinisin, inamo ika met nonnomun ar pupunu ika fitemon nour, ra tongeni chon tumunu an Kot ewe kokkot mi awewetiw non ewe esinesinen famini. Ika pwe an ewe Samon ewe kokkot, epwe pwan ach kokkot!”3
Elter Christofferson a sopweno pwe: “Ekkoch me neimi ese ketiw ngeni kemi ekkewe feiochun pupunu ren popun a pachenong nafangawen aramas mi fich, are sani nefinan at me at are nengin me nengin, semwen non inis are fen non ekiek, re seni chok nioukusen kuf. … Ika meni ka fen pupunu, nge ena pupunu a wesino. … Ekkoch me neimi ekkewe ra pupunu rese tongeni nounou semirit. …
“Pwan mwo, … meinisin ra tongeni aninis ngeni ewe sukkunon ewe kokkot non ew me ew tapin aramas.”4
Pwan ekkoch Wokisin
Genesis 2:18–24;1 Corinthians 11:11;Doctrine and Covenants 49:15–17
Porous mi Manau
Brother Larry M. Gibson, emon minenomun aewin chon aninis non ewe presetensi ren mwichenapen Ekkewe Anuon mi chemeni anon punuwan we itan Shirley, a apasa:
‘“Ua tongek pokiten ua sinei pwe ka tongei ewe Samon nap seni om tongei ei.” …
“Ponuwan na a ku netipei. …
“… [Me] Uwa mochen nemina epwe mefi iteitan pwe ua tongei ewe Samon nap seni meinisin.”5
Elter David A. Bednar seni ewe Mwichen Engon me Ruemon Aposel a aiti ngenikich: “Ewe Samon Jises Kraist I ewe urenapen non ew pon mi pin nefinen pupunu. … [ekieki pwe] ewe Chon Amanau I a nom wichikin ekkewe unufoch san mi chufengen nesopun me unufoch, fiti emon fefin a nom fan ewe ren ew kewe pokuku me emon mwan ren pwan ewe ew pokuku. Iwe ekieki met a fis non ewe napanap nefinen ewe mwan me ewe fefin nupwen ra anamon me pos ne ‘feito ren Kraist’ me achocho ngeni ar repwe ‘unusochuno non I’ (Moronai 10:32). Pokiten ren me non ewe Chon Angasa, ewe man me ewe fefin ra arapeto fengen ar chufengen.”6
© 2016 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/15. Kapungunon awewen: 6/15. Awewen Visiting Teaching Message, February 2016. Chuukese. 12862 901
Ekkieki Usun Ei
Ifa ussun ai upwe anamon me pos ne achocho ngeni ai upwe “feitto ren Kraist”?