iVaqa ni Veisiko, FEPERUERI 2016
Sa Lewa ni Kalou na Vakamau
Vulica ena masumasu na itukutuku oqo ka vakasaqara mo kila na ka mo na wasea. E rawa vakacava na kilai vakamatata ni “Na Matavuvale: Ai Vakaro ki Vuravura Raraba” me vakalevutaka na nomu vakabauta na Kalou ka vakalougatataki ira o vakaraica voli ena veisiko? Me ikuri ni itukutuku, lako ki na reliefsociety.lds.org.
Vakabauta, Matavuvale, Veivukei
Era tomana na parofita, iapositolo, kei na iliuliu “ni sa lewa na Kalou me rau vakawati na tagane kei na yalewa, ni matavuvale sa iusutu ni nona yavu na Dauniveibuli.”1
A kaya o Elder D. Todd Christofferson ena Kuoramu ni iApositolo Le Tinikarua: “Na matavuvale e yavutaki ena vakawati ni dua na tagane kei na yalewa e vakarautaka na ituvaki vinaka duadua me buroro kina na ituvatuva ni Kalou. …
“… Sega ni o keda se dua tale na tamata vakayago e rawa ni veisautaka na ituvatuva vakalou oqo ni vakawati.”2
A kaya o Bonnie L. Oscarson, na peresitedi raraba ni Goneyalewa: “O keda yadua, veitalia na ituvaki ni nomu bula vakawati se iwiliwili ni luvemu, e rawa ni da taqomaka na ituvatuva ni Turaga e vakamacalataki ena ivakaro ni matavuvale. Kevaka e ituvatuva ni Turaga, sa dodonu vakakina me noda ituvatuva!”3
A tomana o Elder Christofferson: “E sa cakitaki ki na so vei kemuni na veivakalougatataki ni vakawati ka vu mai na lailai ni nodra bula kilikili na sasaga voli, na veilasami vakayalewa se tagane vata, se leqa ni ituvaki ni bula vakayago se vakasama, se na lomataqaya ni na kasura. … Se o na rairai vakamau, ia sa cava na vakawati oya. … E so vei kemuni na vakawati e sega ni rawa ni vakaluveni. …
“Sa vakakina, … sa rawa ni da cau kece ki na tasereki ni ituvatuva vakalou ena veitabagauna yadua.”4
iKuri ni iVolanikalou
Nai Vakatekivu 2:18–24; 1 Korinica 11:11; Vunau kei na Veiyalayalati 49:15–17
Veitalanoa Bula
O baraca Larry M. Gibson, na matai ni daunivakasala vakacegu ena mataveiliutaki raraba ni Cauravou, a nanuma na gauna e kaya kina o Shirley, sa watina oqo:
“‘Au lomani iko baleta au kila ni ko lomana vakalevu cake na Kalou mai na nomu lomani au.’ …
“A coka na utoqu na e tukuna oya. …
“… [Kau] vinakati koya me dau vakila tu ga niu lomana na Kalou mai na veika kece tale eso.”5
A vakatavulica o Elder David A. Bednar ena Kuoramu ni iApositolo Le Tinikarua: “Na Turaga o Jisu Karisito e sa idusidusi donu ena veimaliwai ni veiyalayalati ni vakawati. … [Raitayaloyalotaka oya] sa duri tu na iVakabula ena tikina cecere sara ni [dua] na yasa e tolu, vua na marama ena dua na muana e ra kei na turaga ena muana kadua e ra. Navuca oqo na ka e yaco ena nodrau veimaliwai na turaga kei na marama ni rau ‘lako vei Karisito’ vakayadua ka vakamalua ka sasaga me rau ‘vinaka kina’ (Moronai 10:32). Baleti koya ka mai vua na Dauveivueti, sa rau veivolekati kina na turaga kei na marama.”6
© 2016 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me Vakavalagi: 6/15. Vakadonui me vakadewa: 6/15. Vakadewa ni Visiting Teaching Message, February 2016. Fijian. 12862 858
Vakasamataka Oqo
Au sa sasaga tiko vakacava vakaiau ka vakamalua meu “lako vei Karisito”?