Etop eke Visiting Teaching, eke Ofiong ita isua 2016
Ekebot ke Mbiet Abasi
Bong akam kpeb nkpo emi ndien yom ndidiongo se ekpebuanade. Didie ke ndifiok Ufokemana, Etop ekenode Ererimbot anam mbuotidem mbufo ke Abasi okori onyung odiong mbon owo emi mbufo edade visiting teaching ese mmo enyin? Ke oyomde ndifiok awak, ka ke reliefsociety.lds.org.
Mbuotidem, Ufok idung, Unwam
Ekem Abasi odoho, ete, yak nnyin inam owo isin ke mbiet nnyin. …
Ntem ke Abasi obot owo esin ke mbiet esiemo, ke mbiet Abasi ke obot enye, eren ye nnwan ke obot mmo. (Genesis 1:26–27)
Abasi edi Ete nnyin ke Enyong, ndien Enye okobot nnyin ke mbiet Esiemo. Ke nditing akpaniko emi, President Thomas S. Monson ete, Abasi Ete nnyin enyene utong eke adade okop mme akam nnyin. Enye enyene enyin eke adade okut mme edinam nnyin. Enye enyene inua eke adade eting iko ono nnyin. Enye enyene esit eke adade enyene mbom ye ima. Enye edi akpaniko. Enye edi odu-uwem. Nnyin idi ndito Esie emi ekebotde ke mbiet Esiemo. Nnyin ibiet Enye ndien Enye ebiet nnyin.1
“Mbon Latter-day Saints eda kpukpru owo nte ndito Abasi ke oyoho ye ofuri ekikere, mmo ekere ke ofuri owo edi edisana ke ntongo, uduot-obot, ye ndaha.”2 Mmo “kiet-kiet edi edima eyeneren ye eyenanwan spirit eno ete ye eka eke enyong.”3
“[Prophet] Joseph Smith nko ama ekpeb ete ke Abasi enyene-udong man ndito Esie ebo ukem oruk edikong ndaha-uwem emi Enye enyenede.”4 Abasi “ama odoho ete ke utom Esie ye ubong Esie edi ndinam man owo okukpa ke nsinsi edi enyene nsinsi uwem.” (Moses 1:39)
Mme Ndadian Itie Nwed Abasi Efen
Genesis 1:26–27; 1 Corinthians 3:17; Doctrine ye Covenants 130:1
Emi oto mme Nwed Abasi
Eyeneka-eren eke Jared ke Nwed Mormon ama oyom usung man unwana ayama ke ubom-efok itiaita emi ekenamde ete emen mbon Jared ekanga-ebe ke akwa-mmong-inyang ekesim isong unwongo. Eyeneka-eren eke Jared ama atara mkpri itiat efurekiet oto ke akwa-itiat onyung obong-akam yak Abasi ada ubok Esie otuk mme itiat oro man mmo ekpewut uyama ke ufot ekim. Ndien Abasi ama anyan ubok Esie onyung otuk mme itiat oro kiet kiet. Ema eyara mbukpong esio ke enyin eyeneka–eren eke Jared, ndien enye ama okut nnuen-ubok eke Abasi, ndien oro ekebiet nte nnuen-ubok eke owo. …
“Ekem Abasi odoho enye ete, Nte afo emenim mme iko eke Ami nditingde?
“Ndien enye oboro ete: Ihn, Obong.”
Ekem “Jehovah owut [eyeneka-eren eke Jared]” Idemesie onyung odoho ete, “Nte afo omokut ete ke ekebot fi esin ke mbiet-idem Mi? Ihn, ekebot kpa ofuri owo ke eritongo esin ke mbiet-idem Mi.” (Ke se Ether 3:1–7)
© 2016 eketode Intellectual Reserve, Inc. Emenim kpukpru unen. Ekeming ke USA Enyime edikabare ke Iko Mbakara: 6/15. Enyime edikabare, 6/15. Ndikabare etop eke Visiting Teaching Message, March 2016 Efik 12863 553
Kere-banga Emi
Didie ke ndidiongo ete ke ekebot owo kiet-kiet ke mbiet Abasi anwam nnyin ke ebuana nnyin ye mbon efen?