Te Rongorongo ibukin te Reirei ni Kakawari, Maati 2016
E Karikaki ni Katotongan te Atua
Tataromwaaka ni kamatebwaia te bwai n reirei aei ao n ukoria bwa ko aonga n ataia bwa tera ae ko na tibwaia. E na kanga ataakin “Te Utu: Te Katanoata nakon te Aonaaba” karikirakea am onimaki iroun te Atua ao kakabwaiaia naake ko tararuaia rinanon te kakawari n reirei? Ibukin rongorongona riki tabeua, naako nakon reliefsociety.lds.org.
“Ao e taku te Atua, Ti na karaoia aomata ba ai arora, ni katotongira. …
“Ao te Atua E karika te aomata ba katotongana, E karikia ni katotonga arona; E karikia ba te m’ane ao te aine.” (Karikani Bwaai 1:26–27)
Te Atua bon Tamara i Karawa, ao E karikiira ba Katotongana. Ngke E taetae iaon te koaua aei, e taku Beretitenti Thomas S. Monson: “Iai taningan te Atua ae Tamara are e na kona n ongo iai ara tataro. Iai Matana are E na kona n noori iai ara mwakuri. Iai wiina are E na kona n taetae iai nakoira. Iai nanona are E na kona iai n namakina te nanoanga ao te tangira. E boni koaua. E boni maiu. Ngaira bon Natina aika ti karikaki ni katotongana. Ti tebo ngaira ma ngaia ao e taraa n ae ti tebo ma ngaira.”1
“Aika Itiaki ni Boong Aika Kaitira a iangoia bwa aomata ni kabane bon natin te Atua n tarakiia aika kororaoi ao n tamaroa raoi; a iangoia aomata n tatabemaniia bwa a kororaoi n rikia, aroia, ao n aia konabwai.”2 N tatabemaniia bon “natiia kaaro mai ieta n tamnei aika mwaane ao aine.”3
“[Te Burabeti] Iotebwa Timiti e reiakinna naba bwa e tangiria te Atua bwa a na karekea te aeka ni karietataaki are E a tia ni karekea.”4 N aron are e taekinna te Atua, “Ma ngaia ae, aio au mwakuri ao mimitongiu—ni uota te aki mamate ao te maiu are akea tokina nakoia aomata” (Moses 1:39).
Rakan riki Booki aika Tabu
Karikan Bwaai 1:26–27; 1 I-Korinto 3:17; Doctrine ao Covenants 130:1
Man Booki aika Tabu
Tarin Iareta n Ana Boki Moomon e ukoukora te kawai ni kaurai waniua kaibuke ake a tia ni katauraoaki bwa a na uotiia Iaretaite rinanon taari nakon te aba ni berita. E “kabuei ma ni karaoi man te bwa atibu aika a uarereke aika tebwi ma onoua” ao n tataro bwa te Atua e na “riing atibu aikai” ma Tabonibaina “bwa aonga n ota nako inanon te roo.” Ao te Atua “e taakin baina ao n riing atiibu teuana imwiin teuana.” Ao e kamwawaki te rabuna n ataibwai ma i matan tarin Iareta, ao e noora tabonibain te Uea; ae bon tabonibain te mwaane. …
“Ao e taku te Uea nakoina: Ko kakoauai taeka ake N na taekin?
“Ao e kaeka. Eng, te Uea.”
Ao “te Uea e kaotia nakoia [tarin Iareta]” ao e taku, “Taraia bwa ko karikaki n ai aron katotongau? Eng, a bon karikaki aomata ni kabaneia man te moantai n aiaron kakatongau. (Tara Ita 3:1-17)
© 2016 iroun Interllectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/15. Kariaiakan te Rairairi: 6/15. Rairan te Visiting Teaching Message, March 2016. Kiribati. 12863 859
Iangoa Aio
E kanga atakin ae aomata ni kabane a karikaki ni katotongan te Atua ni buokiira n ara reitaki ma tabeman?