Te Rongorongo man te Moan Beretitentii, Maati 2016
“Reirei Irou”
Iroun Beretitenti Thomas S. Monson
N Ana Ekaretia Iesu Kristo ibukiia Aika Itiaki ni Boong Aika Kaitira, ngaira ni kabane bon taan reirei ao taan reireinaki. E anga te kakao aei te Uea nakoia ni kabane: “Reirei Irou…ao e na reke i roumi iai motikan rawaia tamneimi.”1
I kaoia ni kabane Aika Itiaki ni Boong Aika Kaitira bwa a na kabanea korakoraia n angareirei ao n reiakinna ao n iangoa te Tia Kamaiu bwa kanga ara tia Kairi ni karaoana. Ti ataia ae te “tia reirei aei e roko mairoun te Atua”2 e raka riki arona n tia reirei. Are e reireiniira bwa ti na tangira Iehova ae Atuara ma nanora ni kabanea, ao n tamneira ni kabanea, ao ni korakorara ni kabanea, ao ni wanawanara ni kabanea; ao n tangira raom n ai aron tangiram i bon iroum, bon te Tia Reirei ae Mwaatita ao te Banna ni Katooto n te maiu ae kororaoi.
Ngaia are e kangai: “Nako mai, ao iriirai.”3 “I a tia ni katea te banna ni katoto ibukimi.”4
Ti Ngkana Kam Rairaki
E reirei Iesu te koaua ae kakawaki n aron are e koreaki ni Mataio. Imwiin are Ngaia ao Ana reirei a ruo man Maungan te Onikaki, a tei teutana i Kariraia ao imwiina a nako nako Kaberenaum. Ikekei a nako taan reirei nakon Iesu, n titiraki:
“Antai ae te kabanea ni korakora n te abanuea are i karawa?
“Ao Iesu e wetea te tei temanna ae uarereke, ao e kaki i buakoia,
“Ao e taku, E koaua ae I a tuangkami, Ba ngkana kam aki rairaki, ao ngkana kam aki katotong aroia ataei aika uarereke, ao kam aki rin n uean te Atua.”5
N te Ekaretia, te kouru ibukin ana angareirei te euangkerio tiaki karinan te rongorongo n aia iango natin te Atua, tao n te mweenga, n te umwanreirei, ke n te tabo ni mitinare. Ti aki mwaitin ae ataia te karo, te tia reirei, ke te mitinare. Tiaki n ti karakaan ara atatai ibukin te Tia Kamaiu ao Ana Ekaretia.
Te kantaninga raoi n te reirei bwa ko na buokiia natin Tamara are i Karawa mwaane ao aine bwa aonga n Okiria ao ni karekea te maiu ae akea tokina ma Ngaia. Ni karaoan aei, e riai reirein te euangkerio ni kaungaia inanon kawaia n reireiakin tua aika tabu. Te kantaninga iai bwa e na kaungaia aomata n tatabemaniia nako ni kona n iangoia, n namakinna, ao ni karaoa te bwai teuana ibukin maiuakinan reirein te euangkerio. Te botoniango iai bwa karikirakean te onimaki iroun te Uea Iesu Kristo ao ni kona n rairaki nakon Ana euangkerio.
Reirei aika a kakabwaiai ao n rairi ao ni kamaiu bon reirei aika a kaota ana banna ni katooto te Tia Kamaiu. Taan reirei ake a ira ana banna ni katoto te Tia Kamaiu ao ni beku ibukiia naake a reireiniia. A kaungaia aia taan ongora ma reirei aika akea tokiia ma koaua mairoun te Atua. A maiuakin maiu aika a uaana karaoakiia.
Te Tangira ao te Beku
Ana mwakuri te Tia Kamaiu e kaota tangiran kaain rarikira. Ni koauana, Ana tangira ao ana mwakuri n ibuobuoki a riki n tainako bwa Ana reirei. N aron aei, taan reirei aika I uringiia raoi bon taan reirei aika a kinaia, a tangiriia, ao a tabe ibukiia aia ataei. A ukoukora te tiibu ae bua. A reiakin reirei aika a teimatoa aika n na ururing n tainako.
Temanna te aeka n tia reirei anne bon Lucy Gertsch. E kinaia ataein ana reirei n tatabemaniia nako. E aki kona ni mwaninga taekaia ake aki roko n te Tabati ke a bon aki roko. Ti ataia bwa e tabe ibukira. Akea mai ibuakora ae a tia ni mwaninga taekana ke reirei ake e a tia n anga.
Ririki aika mwaiti imwiina, ngke e a kaan ni motirawa Lucy, I kawaria. Ti kauring taai ake a rangin ni maan imwain are e riki bwa ara tia reirei. Ti aki toki n taekiniia kaain ara kiraati n tatabemaniia nako ao ni maroroakina te bwai ae a karaoia n tatabemaniia nako. E tuangira te Uea bwa ti na reireiniira bon imarenara reirein te abanuea.
I tangira ana reirei te Uea aika kuneaki n te Doctrine ao Covenants:
“E tuangiira te Uea bwa ti na reireiniira imarenara reirein te abananuea (taraa DC 88:77).
“Ngkana ti reirei ma te wanawana, ao ti na rotaki n Ana nanoanga.“6
Lucy Gertsch e reirei ma te wanawana bukina bwa e teimatoa ana tangira.
Anga te Kantaninga ao te Koaua
E reirei te Abotoro Betero, “Tauraoi n tainako ni kaeka te aomata ae titirakiningkami bukin te kantaninga ae mena i nanomi.”7
Te kabanea n tamaroa ni kantaninga ae kona te tia reirei n anga bon te kantaninga ae kuneaki inanon ana euangkerio Iesu Kristo.
“Ao teraa are kam na kantaningaia?” E titiraki Moomon. “Nooria, I taku nakoimi bwa kam na karekea te kantaninga rinanon ana mwakuri ni kamaiu Kristo ao mwaakan mangautina, bwa kam na kateirakeaki nakon te maiu are akea tokina, ao aio ibukin ami onimaki irouna.”8
Taan reirei, tabeki bwanaami ao kaota am kakoaua nakon koauan rikiia taian Atua. Kaota am kakoaua ni kaineti ma Ana Boki Moomon. Taekin koaua aika kakimwareirei ao n tikiraoi aika koreaki inanon te baaire ni kamaiu. Kabonganai bwaai n reirei, riki booki aika tabu, n reiakina koauan ana euangkerio Iesu Kristo ae kaokaki ni kororaoia ao ni matataia. Uringa ana kauring te Tia Kamaiu “kam ukeuke n te baibara; ba kam taku bwa e reke te maiu: ae aki toki i roumi mai iai: ao boni ngaia are kaotioti i bukiu.”9
E buokiia natin te Atua n ata te bwai ae koaua ao ni kakawaki n te maiu aei. Buokiia ni karikirakea te korakora n rinei kawai are e na kamanoia iaon kawaia nakon te maiu ae akea tokina.
Reirei koaua, ao te Tamnei ae Raoiroi e na buoki ami kekeiaki.
“Reirei Irou”
Ibukina bwa Iesu Kristo e ongotaeka ao e karinerine nakon Tamana, E “riki rake Iesu n rabakau ma n ikawai, ma n akoaki iroun te Atua ao aomata.”10 Iai te nano ni kani karaoa ae aekan aei? Kanga aron Iesu ngke e “karekea te nanoanga ibukin te nanoanga,”11 ti riai n nanorinano ao n teimatoa n ukoukora te oota ao te atatai mairoun te Atua n ara kekeiaki n reiakina te euangkerio.
Te kakauongo bon mwakoron te reirei ae kakawaki. Ngkana ti katauraoi bwa ti na reireinaki, ti tataro mwaaka ni ukoukora te kairi mai ieta ao te kamatoa mairoun te Tamnei ae Raoiroi. Ti iangoia, ti tataro, ti rinanoi reirein te euangkerio, ao ti ukoukora Ana kantaninga te Tama ibukira.12
Iesu “e reireia … baika bati n taetae ni kaikonaki,”13 are e kainnanoi taninga bwa ana ongo, maata bwa a na noraaba, ao naano bwa ana ataia. Ngkana ti maiuakina te maiu ae kororaoi, ti kona ni kai ongo ana wirikiriki te Tamnei ae Raoiroi, are e kona n “reirei [niira] bwaai ni kabane, ao ni uoti bwaai ni kabane nakon [ara] ururing.”14
Ngkana ti kaekaa ana kakao te Uea, “Reirei Irou,” ti riki bwa taan katoonga Mwaakana mai i Karawa. Ma ngaia, ae ti na, waaki rake n tamnein te ongotaeka, n ira Ara tia Ibuobuoki n te reirei n aron are E na kantaningaira bwa ti na reirei ao n reiakinna n aron are E kantaningaira bwa ti na reiakinna.
2016 iroun Intelectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/15. Kariaiakaki rairana: 6/15. Rairan te First Presidency Message, March 2016. Kiribati. 12863 859
Reirei man te Rongorongo Aei
E kaoira Beretitenti Monson bwa ti na “kabanea [korakorara] n angareirei ao n reiakinna ao n iangoa te Tia Kamaiu bwa kanga ara tia Kairi ni karaoana.” Ko na bae n iangoia ni ukoukora te euangkerio ma naake ko kawariia ni mweengaia ni kakaai koauan kawai aika e angareirei ao n reiakin Iesu Kristo. Ko kona ni waaki ma booki aika tabu n aron are e taekinna Beretitenti Monson, n aron Mataio 11:29, Ioane 5:30, ao Mareko 4:2. Ko kona ni maroroakinna bwa tera are ko a tia n reiakinna ibukin Kristo are e na kona ni buokiko, “n riki bwa taan kamaiuaki ni Mwaakana.“I