Klumech er a Oldingel e Olisechakl, Ongedei el buil 2016
Ulebeob el diua Teletelel a Dios
Mosuub er tial tekoi lokiu a nglunguuch e mosiik el mo medengelii a bo mobang lolisechakl. Ng mekerang a klemedengei er kau er a “Telungalek: Chais el mora Beluulechad” a le sisichii a klaumerang er kau er a Dios e mesterir a klengeltengat tirkal momes er tir lokiu a odngelem lolsisechakl. A lmuut el bebil er a omesodel, e bo er a reliefsociety.lds.org.
Klaumerang, Telungalek, Ngeso
“Me a Dios a dilu el kmo, Mei e debebii a chad el di ua blebeled, el kmal di uaikid. …
“Me a Dios a milebii a chad el kmal di uaia blebelel, el diua blebelel a Dios eng milebii; el milebii a sechal me a redil” (Genesis 1:26–27).
A Dios a Demad er a Babeluades, e Ngii a ulemeob er kid el di uai a blebelel. Ngokiu tial klemerang, e a President Thomas S. Monson a millekoi: “A Dios el Demad a ngarngii a dingal el sebechel remenges a nglunguched. Ngarngii a medal el ngii a sebechel mes a doruul. Ngarngii a ngerel el sebechel el mengedecheduch er kid. Ngarngii a rengul el sebechel lomelchesiu a klechubechub ma beltikelreng. Ngii a merang. Ngii a ngar. Kid a ngelekel el ulbeob el diuai a blebelel. A bedenged a di uai ngii me ngii meng di uaikid.”1
“A re Uriul-klebesei el Santo a mesterir a rokui el chad el ngelekel a Dios; te mesterir a rebek el chad el chedaol a uchelir, teletelir, ma sebecherir.”2 El derta er tir “a ngalek er a reng el sechal ma redil loubeltikereng er tir a redemerir ma rederrir el ngara babeluades.”3
“[A Profet] el Joseph Smith a dirrek el silubii el kmo a Dios a soal a rengelekel a bolnguu a osisiu el ngarbab el klebkall el klengar el Ngii a obang.”4 E le a Dios a dilu el kmo, “Ele, tiang a urerek e klebkellek—el mo mesterir a rechad a di melemolem el klengar me a diak a ulebengelel klengar” (Moses 1:39).
Bebil er a Chedaol llechukl
Genesis 1:26–27; 1 Korinth 3:17; Doctrine and Covenants 130:1
Ngara Chedaol Llechukl
A obekul a Jared el ngara Babier er a Mormon a ulsiik a rolel me bol sebechel lomkard a eai el bilas el milruul el kirel ongektel a re Jaredite el mo imuul er a daob el mora beluu er a telbiil. Meng “mle toker e ngmai a teruich ma elolem el bad er a rois” e milluluuch el mora Dios me bol “rutech a ikal bad” loba chimal “me bo loluich er a chelsel a ilkolk.” Me a Dios a “mle tometii a chimal el mo merutech louderstang a ikal bad.” A ilkolk a mlengai er a medal a obekul a Jared, meng “milsang a chimal a Rubak: el di mle osisiu ngii ma chekngelel chimal a chad. …
“Me a Rubak a dilu er ngii el kmo: Kau ke oumerang a ikal tekoi el bo kulekoi?
“Meng ulenger: Oi, e Rubak.”
Me a “Rubak e ulechotii a bedengel el mora [obekul a Jared]” e dilu el kmo, “Ke mesekau el bleob el di uai a bedengek? Oi, ng uaisei el rokui el chad a ulebeob er a uchelel el di uai a teletelek.” Mesang Ether 3:1–17.
© 2016 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/15. Kengei er a oidel: 6/15. Oidel a Visiting Teaching Message, March 2016. Palauan. 12863 881
Ka Momdasu er Tiang
Ng mekerang e tial klemedengei er kid el kmo a derta el chad a ulbeob el diua bedengel a Dios bol ngesukid er a delongeled kid ma rebebil.