Molaetsa wa Thuto ya Ketelo, Mopitlo 2016
Bopilwe mo Setshwanong sa Modimo
Ka thapelo ithute tiriso e mme o senke go itse gore o ka abelana eng. Go tlhaloganya “Lelwapa: Kanamiso go Lefatshe” go ka oketsa tumelo ya gago mo Modimong le go segofatsa bao o ba tlhokometseng ka thuto ya ketelo jang? Go bona molaetsa ka botlalo, etela reliefsociety.lds.org.
Tumelo, Lelwapa, Thuso
“Mme Modimo a re, A re dire motho mo setshwanong sa rona, morago ga sebopego sa rona. …
Jalo Modimo a bopa motho mo setshwanong sa gagwe, mo setshwanong sa Modimo a ba bopa; monna le mosadi bone a ba bopa” (Genesise 1:26–27).
Modimo ke Rara wa rona wa Legodimo, ebile o re bopile mo setshwanong sa Gagwe. Ka boammaaruri jo, Moporesidente Thomas S. Monson a re: “Modimo Rara wa rona o nale ditsebe tseo di reetsang dithapelo tsa rona. O na le matlho ao a bonang ditiro tsa rona. O na le molomo o a buang le rona ka o ne. O na le pelo eo a utlwang bo pelotlhomogi le lorato. O nnete. O a tshela. Re bana ba gagwe ba ba dirilweng mo setshwanong sa gagwe. Re lebega jaaka ene le ene o lebega jaaka rona.”1
“Baitshepi ba Malatsi a Bofelo ba bona batho botlhe jaaka bana ba Modimo mo tlhaloganyong e tletseng ebile e feletse; ba tsaya motho mongwe le mongwe ele wa ntlha wa selegodimo, tlholego, le bokgoni.”2 Mogwe le mongwe ke “moratwa wa morwa le morwadie wa semowa wa batsadi ba legodimo.”3
“[Moporofiti] Joseph Smith le gone o ithutile gore Modimo o eletsa gore bana ba Gagwe ba amogela go godisetswa kgalalelo ga go nna teng ga mo go tswanang moo re leng ba tsayakarolo.”4 Jaaka Modimo a buile, “Gonne bonang, se ke tiro ya me le kgalalelo ya me—go tsisa go diragatsa bosasweng le botshelo jo bosakhutleng jwa motho.” (Moses 1:39).
Dikwalo tse di boitshepo tse di tlaleletsang
Genesise 1:26–27; 1 Bakorinta 3:17; Doctrine and Covenants 130:1
Gotsweng Dikwalong tse di boitshepo
Mokaulengwe wa ga Jerete mo Bukeng ya ga Momone o ne a batla tsela ya go tshuba dikepe tse di borobabongwe tse di agilweng go tshedisa Bajeredaetse go kgabaganya metsi go ya lefatsheng la tsholofetso. O ne “mme o ne a nyerisa go tswa mo lefikeng matlapa a mannye a le lesome le borataro”mme a rapela gore Modimo a “kgome matlapa a” ka monwana wa Gagwe “gore a ka phatsima mo lefifing.” Mme Modimo “a otlolola letsogo la gagwe mme a kgoma matlapa ka bongwe ka bongwe.” Sesiro sa tsewa gotswa mo matlhong a mokaulengwe wa ga Jaerete, mme “a bona monwana wa Morena; mme e ne e le monwana wa motho. …
“Mme Morena a re go ene: A o dumela mafoko ao Ke tlaa a buang?
“Mme a araba: Ee, Morena.”
Mme “Morena a iponatsa go [mokaulengwe wa ga Jerete]” mme a re, “A o bona gore lo bopilwe mo setshwanong sa me? Ee, batho botlhe ba bopilwe mo tshimologong morago ga setshwano sa me.” (Bona Ethere 3:1–17.
© 2016 by Intellectual Reserve, Inc. All rights reserved. E gatisitswe mo USA. Tetla ya Sekgoa: 6/15. Tetla ya Thanolo: 6/15. Thanolo ya bo Visiting Teaching Message, March 2016. Setswana. 12863 763
Akanyetsa Se
Go itse gore motho mongwe le mongwe o bopilwe mo setshwanong sa Modimo go re thusa jang mo botsalanong jwa rona?