Mulwol ni Ngan Fil ni Ngan Nang, March 2016
Kan Sunmiy u Pow’chan rok Got
Meybil nge biy’eg fapi babyor mu piry’eg e tin ngam mog. Urogon ni kan nangfan “The Family: A Proclamation to the World”e ra ga’ nang fare mich rom ngak Got nga fapi tawa’ath rok u daken fapi cha’ ni gama guy ko ngiyal’ ko mulwol rom? Ra tin ni ga ba adag ni ngam nang, man ko reliefsociety.lds.org.
Mich, Tabinaew, Ayuw
“Me ga’ar Got, Ngad ngongliyed e girdi’, girdi’ni bay ra boded gadad miyad bod ya’adad. …
“Era’ rogon ni sunmiy Got e girdi’, girdi’ ni ngongliy ni boed ya’an Got; mo’on nga be’ nib bpin (Genesis 1:26–27).
Got e ir e Chitmangdad nu Tharmiy, me ke sunmiy dad ni woed Ya’an. Ko tiney nib riyul’, President Thomas S Monson e ke yog: “Got ni Chitmangdad e bay tel ni rayog ni nge rung’ag e meybil rodad. Bay owchen ni rayog ni nge guy e ngongol radad. Bay langan ni rayog ni nge non ngodad. Bay gamircha’en ni rayog ni nge thamiy e murnguy nge a’dag. Ba riyul’. Ma ba fas Ir. Gadad e bitir rok ni woed ya’an. Gadad boed ya’an ma boed ya’an dad.”1
“Pi Gidii’en Got e ma guy ni gubin e girdi’ ni fak Got ni ga’ngin; gubin e girdi’ ma bay fal’ngin, rogon, nge gelngin.”2 Gubin ma ir “ma ba tu’uf ni fak nib ya’al nib mo’on fa bpin ni bayu tharmiy.”3
“[Fare Profet] Josehp Smith e ke fil ni Got e ba’adag ni Pifak e ngar thapaged fare towa’ath ni ke Fek.”4 Ni woed Got ni yog, “Ya musap, ireray e muruwel nge fla’ab rog — nggu mugu’uly e yafos ni manemus nge machalbog e gidii” (Moses 1:39).
Ku Reb e Chep nib Thothup
Genesis 1:26–27;1 Korinth 3:17; Doctrine nge Covenants 130:1
Keb ko pi Chep nib Thothup
Walagen Jared nib mo’on ulane fare Babyor ku Mormon e ke gay rogon ni nge gel’ langin fare meruk’ i boech ni nge fek fapi Jaredites u dakan e day ko farngi nam ni kan micheg. Ke “fek ragag nge nel’ i malang nib achichig riy” me meybil ngak Got ninge “ni nge mth ko fapi malang” nge bugli pa’ “ni nge yog ni nge mat ra’eng u fathik e lumor.” Me Got “k’iyag pa’ nge math ko fapi malang ni tata’areb.” Ma rangi rungrung ney e kan chuweg u owchen walagen Jared, me “guy bugulipaa’ fare Somoel; ni boed buglipa’ bee’ nib mo’on. …
“Me ga’ar fare Somoel ngak’: Ra mich u wun’um e pi thin ni gura yog?
“Me fulweg ni ga’ar: Arrogon, Somoel.”
“Me fare Somoel e m’ug ngak [fare walagen Jared nib mo’on]” me ga’ar, “Ere kam guy ni nni sunmiyem ni boed ya’ag? Arrogon, gubin e dirii’ min sunmiy aram ko somm’on ni woed ya’ag.” (Muguy ko Ether 3:1–17.)
© 2016 by Intellectual Reserve, Inc. Gubin mabay matwon. Kan yoloey u Mariken. Kan micheg nag ko thin nu Ngalis: 6/15. Micheg nag i pilyeg: 6/15. Pilyeg thin ko Visiting Teaching Message, March 2016. Yapese. 12863 905
Mu Lemnag e Pin’ey
Urogon min nang ni ra be’ ma kan fal’eg u mit Got e rayog ni nge ayuweg dad ko pi mo’olung rodad ngak boech e gidii’?