Mulwol ko Bin Somm’on e Presidency, March 2016
“Mu fil Rog”
Yib rok President Thomas S. Monson
Ulane Fare Galasia rok Yesus Kristus ni fan ko Gidii’ ko tin Tomur e Ran, gadad gubin e sensey nge ta fil. Gadad gubin ma ke thap e mulwol ngodad rok Somoel: “Mu fil rog … ma gara piri’eg e tofan ko dagur rom.”1
Gube pining gubin Chonggin e Galasia ni ngar tafniyed rogon ni ngar filed man nang min sap ngak fare Tabayul ni fan fare Wo’ rodad. Gamad manang ni biney e “sensey e ma yib rok Got”2 gathi kemus nib sensey. Cha’an ni ke fil ngodad ni ngad adaged fare Somol ni Got u gubin gamircha’dad, geling dad, nge tafiney rodad, min tu’ufeg e bugulyoror rodad, e ir fare Ga’ ko Sensey nge fare Wo’en ko yafos nib machalbog.
Ir facha’ ni ga’ar: “Moy, ngam lakeg.”3 “Kug fal’eg wo’en ni fan ngom.”4
Kemus ni Ngam Thil Rogom
Yesus e ke fil wo’en ni rib ga’ e riyul’ ni rayog ni ngan piri’eg ulane Matthew. Tomren ni Ir nge Fapi gachalpan e kar sulod ko farengi Burey Ni ma Thilthil, ma yad tal’ ulane Galilee nge mu’ miyad yan nga Capernaum. Tinem e fapi gachalpan e rabad ngak Yesus, miyad fith:
“Mani’ e tha’abi ga’ u lan fare lung u tharmiy?
“Me Yesus e pining e batir nge yib ngak, me tay nga thalin rad,
“Me ga’ar, Mu ted fan mediyan ko re bugithin ni ba’aray: Fa’anra dab mpiggad ngam boded e bitir ma ri dabiyag ni ngam uned ngalan Gil’ilungun e tharmiy.5
Ulane e Galasia, fal’ngin e fare gospel e gathi ngan po’og e luman’ nga lan lolgen e bitir rok Got, u tabinaw, ulane e klas, fa fare ngiyal’ ko mission. Gathi marngagen urngin ban’en ni manang fare galabthir, sensey, fa fare missionary. K’ar rogon ni ngan ga’ nag e lowan’ ni marngagen fare Tabiyul nge fare Galasia Rok.
Bin tha’abi ga’ e yifang ko michib e ngan ayuweg pifak Chitmangdad nu Tharmiy ni pagal nge bpin ni nge yog ni ngar sulod Ngak min thapeg fare yafos ni manimus. Ra ngan rin’ e biney, i fil fare gospel e thangri pii’ e athamgil ko wo’ ni gubin ngiyal’ ko fol nge m’ag nib michmich. Fare nen’ ni ngan rin’ e ngan tafiney nag, min thamiy, min rin’ banen’ ni fan fare kolfalngin’ fare gospel. Fare wo’ ngak e ngan sunmiy e mich ngak fare Somol Yesus Kristus min nib ngak ko fare gospel Rok.
Pi fil ni ma tawa’ath nag ma pinning nge ayuweg e yafos e ir e pi fil ni ma dag fare wo’en fare Tabiyul. Pi sensey ni ma dag e tu’ufeg rok fare Tabiyul e ba tu’uf e picha’en ni yad ma sensey nag. Yad ma pi’ e athamgil ko pi cha’an ni ma motoyil ngorad ko pi n’en ni yad be fil nib riyul’. Yad ma par nib ga’ fan e par rorad.
Tu’ufeg nge Tapigpig
Urngin fare ta machib rok fare Tabiyul e be dag e tu’ufeg ko pi buguliyor. Arogon, tu’ufeg nge ta pigpig Rok e baga’ ni’i fil. Ku woed rogon, sensey ni gumnang ni rib fel’ e sensey ni manang rogon e, tu’ufeg, ma ba tu’uf e bitir rok. Yad ma gay fare saaf ni ke mal’fith. Kar filed wo’en e yafos ni gubin ngiyal’ ma kugum nang.
Reb e sensey e kanog Lucy Gertsch. Manang gubin e bitir rok. Ma always ke pinnig pi cha’an ni dani yib ko ta’reb e Madnam fa dani yib bo’or. Gamad manang ni gamad ba tu’uf rok. Dariy bigimad ni ke pag talin fa pin’en ni ke fil ngomad.
Boch e duw nga tomran, napa’an Lucy e bani nge yim’, mug wan ni nguguy. Ma gamow weliy e pi ran nem ni kari n’uw napan ni ir e sensey rog. Mag mow weliy gubin chonggin fare klas mag mow weliy ko mang e re be’ ma be rin’ e chiney. Tu’ufeg rok e par rog ni rib n’uw napan.
Gu ba’adag fare motochiyol rok nibay ulanggin fare Doctrine nge Covenants:
“Bay gu pii’ ngom e motochiyel ni thingar mu fil ngak bigigmed fare doctrine ko re gil’ilingun” (D&C 88:77).
“Mu fil ni gubin ngiyal’ nge yog ni nge paer fare tu’ufeg rom.”6
Lucy Gertsch e bachan nib tu’uf e sensey rok ma ke fil boech ban’en ni rib mangil.
M’pii’ e Athamgil nge Riyul’
Apostle Peter e ke yog, “Thingar mu fal’eg rogom ngam par ni nge yog ni ngam fulweg e duwer ko gubin e pi mo’on ni ra fith ngom fanra bay fare mich rom.”7
Sana bin tha’abi ga’ e mich ni rayog ni nge fil e sensey e rayog ni ngan pir’eg ko tin riyul’ banen ko fare gospel rok Yesus Kristus.
“Ere mang e thingar mu athapeg?” Me fith Mormon. “Machane gube yog ngom ni thingar i yog e athap ko fare biyul rok Kristus nge fare gilngin fare fas ko ko yam, ni nge yog e yafos ni manimus, nge kubchan e biney mich rom ngak.”8
Sensey, mu pug lamed nga lang ngam weliyed rogon e dalip e chongin ko Godhead. Mu weliy e mich ko fare ke Babyor ku Mormon. Ni fil fapi thin ni rib mangil ma ba riyul’ ni bayu lan fare wo’en e thap. Uneg mam’ngin e murwel ko Galasia ngay, baga’ ni fare thin nib thothup, ni ngan fil e tin riyul’ ni marngagen fare fulweg ko galasia rok Yesus Kristus. Mu sulaen’ ni fare Tathapeg ni motochiyol nag “bi’eg fare thin nib thothup; ya ulanggin ma bay fare yafos ni manimus: ma yad be micheg nag ngog.”9
Mu ayuweg pifak Got ni ngar nanged e tin nib ga’fan ko biney e yafos. Mu ayuweg rad nge yog ni ngar mel’eged e kanawo’ ni rayog ni nge ayuweg rad ngar pired ulane kanawo’ ko yafos ni manimus.
Fil e riyul’, ma fare Kan ni Thothup e rayog ni nge ayuweg nem.
“Mu Fil Rog”
Bachane Yesus Kristus ba ta fol ma tay fan e Chitmangin nu Tharmiy, Ke “ga’ nag e lawan’ nge motochiyol, ulan powchan Got nge mo’on.”10 Rayog ni ngad rin’ed ni woed rogon? Woed Yesus “ni thap e murnguy ko murnguy,”11 rib tu’uf ni ngad gayed ni gubin ngiyal’ fare tamilang nge luwan’ rok Got ni nge yog ni ngad filed fare thin rok.
Motoyil e bangi ulung ko luwan’ nag. Napan ni gadad be fal’eg rogdad ni ngan machib nagdad, magdad meybil ngad fithed fare Kan ni Thothup ni nge ayuwegdad. Magdad lemnag, magdad meybil, magdad faked a n’en ni kad filed, magadad gay fare wo’ rok e Chitmangdad ni fan ngodad.12
Yesus “michib … ngorad ni u fathik’ e fanathin,”13 nib mo’un tiliy ni ngan motoyil, owchey ni ngan guy, nge gamaricha’ey ni ngan nangfan. Napan ni gadad ra par nib thothup, ma rayog ni ngad rung’aged fare kathkath ko fare Kan ni Thothup, ni rayog ni nge “fil [ngodad] gubin ban’en, me fek gubin [ngodad] ni ngad tafnay gad riy.”14
Napan ni gadad ra fulweg fare pong rok Somoel, “Mu fil rog,” ma kad banged bang ko fare Gelngin nib gel. Nga dared, uroy, nga m’on ni ngad fol gad, laked fare Wo’en ni ma fil ni Woed ni nge pag dad ni ngad michib min nang ni ku woed rogon ra pag dad ni ngad filed.
© 2016 by Intellectual Reserve, Inc. Gubin mabay matwon. Kan yoloey u Mariken. Kan micheg nag ko thin nu Ngalis: 6/15. Micheg nag i pilyeg: 6/15. Pilyeg thin ko First Presidency Message, March 2016. Yapese. 12863 905
Rogon ni ngan Fil ko Biney e Mulwol
President Monson e ke pining dad ni ngad “lemniged [rodad] rogon ni ngad filed min nangfan min sap ngak fare Thathapag ni Wo’en dad.” Rayog ni ngam sap ko fare thin nib thothup nib mo’un ko picha’ ni gaban ngam guy ni nge yog ni ngam piri’eg rogon ni ke fil Yesus Kristus. Rayog ni ngam tabab ko boech e thin nib thothup President Monson e ke yip’ fan, ni woed e Mathew 11:29, John 5:30, nge Mark 4:2. Rayog ni ngam weliy rogon ni kam fil marngagen Kristus ni ke ayuwegnem “ni ngam fek fare gelngin Rok nib gel.”